Ukulongana Kwa Mulimo Ukwa March
Umulungu wa Kutampa March 2
8 min: Ukubilisha kwa pa mwenu. Ukubilisha kwasoobolwamo ukufuma mu Ubutumikishi Bwesu Ubwa Bufumu. Landeni pa mapekanyo ya mulimo wa mwi bala pa holide pa March 12.
15 min: “Citeni Ici ku Kunjibukisha.” Ilyashi na eluda. Landenipo mu kwipifya pa citabo ca Ubutumikishi Bwesu, amabula 80-1, ukukomaila pa bucindami bwa kusangwa ku Cibukisho.
22 min: “Lengeni Bambi Ukukwata Isubilo lya Mweo wa Muyayaya.” Ukulanshanya icipande ne bumba lyonse. Mu kwipifya londololeni ifyo ifipusho fingabomfiwa bwino ku kutwalilila ukulanshanya. Peeleni ifya kumwenako ifya fipusho filenga umo ukutontonkanya ne filenga mwishibe ifyo aletontonkanya ifingabomfiwa pa kutendeka ukulanshanya. (Moneni Icitabo ca Kutungulula Isukulu, amabula 51-2, amaparagrafu 10-12.) Kasabankanya wafikapo alangilile nshila imo iya kutendekelamo ukulanshanya pamo ne ya kubomfya pa kubwelelako, ukulangilila isambililo lya Baibolo liletendeka.
Ulwimbo 88 ne pepo lya kusondwelela.
Umulungu wa Kutampa March 9
Ulwimbo 60
8 min: Ukubilisha kwa pa mwenu. Lipoti wa ndalama.
15 min: “Mwe Bana—Mulatuletela Ubuseko!” Ifipusho ne fyasuko. Shimikeni ica kukumanya mu Ulupungu lwa kwa Kalinda ulwa August 1, 1987, pe bula 25.
22 min: “Bushe Tukacicita na Kabili?” (Amaparagrafu 1-11) Ifipusho ne fyasuko. Shimikeni fimo ifyapulilemo muli kampeni wa mwaka wapwile uwa bapainiya ba kwafwilisha, nga fintu cashimikwa muli 1998 Yearbook. Lumbuleni impendwa ya babombeleko bupainiya bwa kwafwilisha mu cilonganino mu mwenu pali iyo nshita. Lanshanyeni pa fyo tumwenamo pa lwesu apo pene fye, kabili langisheni fintu ukuibikilishako kwaafwa ukulunduluka kwa cilonganino. Landeni pa mapekanyo ya mulimo ayo mulepekanya pa cilonganino cenu mu April na May ku kwaafwa abengi ukubombako bupainiya. Bakasabankanya kuti bapokako amaformu pa numa ya kulongana.
Ulwimbo 195 ne pepo lya kusondwelela.
Umulungu wa Kutampa March 16
Ulwimbo 43
8 min: Ukubilisha kwa pa mwenu. Laalikeni bonse abalefwaya ukwishiba icine ku kusangwa ku lyashi lya cintubwingi ilyaibela pa March 29. Ilyashi likwete umutwe wa kuti “Umulandu Mwingacetekela Baibolo.”
15 min: Ukukabila kwa pa mwenu.
22 min: “Bushe Tukacicita na Kabili?” (Amaparagrafu 12-19) Ifipusho ne fyasuko. Pitulukeni mu fifwaikwa ifyalembwa mu citabo ca Ubutumikishi Bwesu, pa mabula 113-14. Londololeni ifyo bupainiya bwa kwafwilisha bupekanishisha umo kuli bupainiya bwa nshita yonse. Laalikeni bamo ababombeleko bupainiya bwa kwafwilisha mu nshita ya cibukisho iyafumineko ku kulanda ifyo batantike ku kufika pa maawala 60. Ni nshila nshi pa nshila shalangililwe pe bula lya kulekelesha ilya ca mu kati iyabombele bwino kuli bena? Nge nshita ilesuminisha, landeni pa fya kukumanya mu 1987 Yearbook, amabula 48-9, 245-6. Koselesheni bakasabankanya ukupokako formu pa numa ya kulongana.
Ulwimbo 224 ne pepo lya kusondwelela.
Umulungu wa Kutampa March 23
Ulwimbo 94
10 min: Ukubilisha kwa pa mwenu. Koselesheni bonse ukutendeka ukulaalika abalefwaya ukwishiba icine ku Cibukisho, pa April 11. Bilisheni amashina ya bonse abalebombako bupainiya bwa kwafwilisha mu April. Londololeni ukuti inshita taipwile iya kupeela baeluda formu. Londololeni ukutantika konse ukwa kukumana kwa kuya mu mulimo ukwapekanishiwe mu April.
20 min: Pekanishisheni Abapya ku Mulimo wa mwi Bala. Ilyashi no kulanshanya ne bumba lyonse. Abatungulula isambililo mu citabo ca Ukwishiba bafwile ukutontonkanya pa lwa kupekanishisha umusambi ku kubombako mu mulimo wa mwi bala. Landeni pa fyalembwa mu citabo ca Ukwishiba, amabula 105-6, para. 14, ne bula 179, para. 20. Pitulukeni mu nshila yalondololwa mu Ulupungu lwa kwa Kalinda ulwa November 15, 1988, amabula 16-17, amaparagrafu 7-10, pa kuti abapya beshibikwe nga bakasabankanya bashabatishiwa. Langulukeni pa mitubululo mu ca mu kati ca Ubutumikishi Bwesu Ubwa Bufumu ubwa June 1996, paragrafu 19, ku kwaafwa bakasabankanya bashabatishiwa abapya ukutendeka umulimo.
15 min: Umukululo wa Fipusho. Ifipusho ne fyasuko. Eluda apituluka mu fyebo fya mu citabo ca Ubutumikishi Bwesu, ibula 131, amaparagrafu 1 na 2.
Ulwimbo 47 ne pepo lya kusondwelela.
Umulungu wa Kutampa March 30
Ulwimbo 29
12 min: Ukubilisha kwa pa mwenu. Cinkuleniko bonse ukutuma amalipoti yabo aya mulimo aya March kabili bilisheni ukupekanya kwa mulimo wa mwi bala pa April 10 na 11. Langisheni bamagazini abapya, tubululeni ifipande mwingalandapo ilyo muletambika, lumbuleni ifishinka fimo maka maka ificebusha. Pitulukeni mu cipande cileti “Ifya Kucinkulako pa lwa Cibukisho,” kabili londololeni amapekanyo ya Cibukisho. Pali ino nshita bonse balingile ukulasondwelela amapekanyo ku kwaafwa abasambi ba Baibolo na bambi abalefwaya ukwishiba icine ukusangwako. Cinkuleniko bonse ukushininkisha ukuti balekonka ukutantika kwa kubelenga Baibolo ukwa Cibukisho pa April 6-11, nga fintu calembwa mu katabo ka Ukubebeta Amalembo Cila Bushiku.
13 min: Nonkelenimo Sana Muli Yearbook ya 1998. Wishi apituluka mu mabula 3-6, 31 no lupwa lwakwe, ayalelangisha ukulunduluka kwe sonde lyonse ukwa teokrasi mu mwaka wapwile. Landeni pa fyo ulupwa luipakisha ukupitila mu kubelenga no kulanshanya ilembo lya bushiku ne fyebo muli Yearbook capamo ilyo balelya, abapampamina ukucite co mu mwaka onse.
20 min: Inshila sha Kulwisha Ukufunshika kwa ku Mupashi. Baeluda babili balanshanya pa mukululo mu Ulupungu lwa kwa Kalinda ulwa January 15, 1986, ibula 19. Ku “Ifishibilo fya Kufunshika” fimo na fimo, londololeni ukupitila mu Malembo ifyo umo enganonkelamo mu “Ifya Kwafwilisho Kushipikisha” ifilolenkene ne fishibilo fya kufunshika. Lyene ipusheni bakasabankanya babili abalalanda pa fyo ukubomfya ifi fishinka kwabafwile ukusungilila amaka yabo aya ku mupashi.
Ulwimbo 140 ne pepo lya kusondwelela.