Ukulongana Kwa Mulimo Ukwa September
Umulungu wa Kutampa September 7
Ulwimbo 28
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Ilyashi lya Teokrasi.
15 min: “Kuti Twacite Milimo Yacilapo.” Ifipusho ne fyasuko. Koselesheni bonse ukwimika amabuyo yalinga aya mu mwaka upya uwa mulimo no kuti bakabombeshe ukulayafikilisha.—Moneni icitabo ca Ubutumikishi Bwesu amabula 116-18.
20 min: “Bapainiya Baleafwa Bambi.” Eluda alondolola ukuti ukulunda pa fyo tukanshiwa mwi Sukulu lya Butumikishi bwa Teokrasi, kuli amapekanyo ya kuti bapainiya baleafwa bambi umo balekabila ukuwamyako mu butumikishi. Aipusha ifipusho ifishimpilwe pa cipande no kweba ibumba ukwasukapo, na kucilisha bapainiya na bakasabankanya ababa kale kale muli uyu programu. Landeni pa fingabombelwapo pa kuti kuleba ukunonkelamo nga nshi. Bapainiya limbi kuti bashimika ifyo baleipakisha no kunonkelamo mu mibombele ya kwaafwa bambi. Bakasabankanya abaafwiwa na bo limbi kuti bashimika umulandu baletashisha uku kutantika kwabamo kutemwa no kulumbula imitubululo iyabaafwile ukucilapo ukutunguluka no kusekelela mu butumikishi.
Ulwimbo 172 ne pepo lya kusondwelela.
Umulungu wa Kutampa September 14
Ulwimbo 160
10 min: Ukubilisha kwa pa mwenu. Lipoti wa ndalama.
15 min: Cinshi Cintu Lesa Afwaya Kuli Ifwe? Ilyashi. Uyu mulungu uleisa tukatendeka ukusambilila uyu broshuwa pa masambililo ya citabo. Koselesheni bonse ukulapekanya bwino no kulasangwako lyonse pa kuti bakabeleshanye bwino ne fyebo fyabamo no kwishiba ifya kulafibomfya mu masambililo ya Baibolo. Belengeni paragrafu pa kamutwe ka kuti “Ifya Kubomfya Uno Broshuwa.” Landeni pa fyebo fyaba mu Ulupungu lwa kwa Kalinda, January 15, 1997, amabula 16-17, ku kukomaila pa bucindami bwaba mu kubomfya ifipusho, amalembo ne fikope pa kusambilisha bambi ifyaba muli broshuwa. Bakatungulula wa masambililo ya fitabo bafwile ukulangisha ica kumwenako icisuma kuli abo batungulula amasambililo ya Baibolo aya mu ng’anda, pa kusengauka ukulandapo mu kucishamo, nelyo ukuletamo ifyebo fimbi ifingi.—Moneni Ubutumikishi Bwesu Ubwa Bufumu, June 1996, ibula 3, paragrafu 5.
20 min: Twabombele Shani Umwaka Wapwa? Kalemba na kangalila wa mulimo bapituluka muli lipoti wa mibombele ya cilonganino ne mpendwa sha balesangwa ku kulongana muli uyu mwaka upwile. Balondolola umo lipoti ilelange fyo balicitile bwino, no kulanda pa mbali shilekabila ukuwamyako. Bushe bakasabankanya bonse balifumine mwi bala mu August? Londololeni amabuyo yantu baeluda bakangwako sana mu myeshi ili ku ntanshi, pamo fye no kwaafwa bonse ukuba bakasabankanya ba lyonse. Ebeniko icilonganino fimo fimo ifingalinga ukufuma muli lipoti wa kutandala kwa kwa kangalila wa muputule ukwalekelesheko.
Ulwimbo 144 ne pepo lya kusondwelela.
Umulungu wa Kutampa September 21
Ulwimbo 122
10 min: Ukubilisha kwa pa mwenu. Landeni pali “Programu Mupya uwa Bushiku bwa Kulongana Kwaibela.”
15 min: Ukukabila kwa pa mwenu.
20 min: “Ishibeni Bamunyinenwe.” Ifipusho ne fyasuko. Sanshenimo ifyebo fya mu Ulupungu lwa kwa Kalinda, ulwa October 1, 1988, amabula 10-11. Koselesheni bonse ukulaitendekelako ukwishibana bwino na bamunyina.
Ulwimbo 34 ne pepo lya kusondwelela.
Umulungu wa Kutampa September 28
Ulwimbo 17
12 min: Ukubilisha kwa pa mwenu. Cinkuleniko bonse ukutuma amalipoti ya mulimo wa mwi bala aya September. Koselesheni bonse ukupekanya ukubombesha mu bunte bwa ku ng’anda ne ng’anda mu October pa kuti kukabe ukushalika bamagazini bafulilako. Losheni ku mitubululo mu Ubutumikishi Bwesu Ubwa Bufumu ubwa October 1996, ibula 8, pa fya kupekanya inshila ya kulandilamo. Landenipo imitubululo imo imo iingabomba pa kushalika bamagazini ba nomba line. Ebeni bonse ukushitako bamagazini ba kushalika pa mpela ya mulungu.
20 min: “Bakangalila Abatungulula—Kangalila wa Mulimo.” Ilyashi na kangalila wa mulimo. Pa numa ya kulondolola imilimo intu abomba, alanda imbali sha cine cine umo pa mwabo balekabila ukubombela capamo pa kufika ku bantu bafulilako no kucilapo ukubomba bwino mu butumikishi.
13 min: Finshi Fikabilwa pa Kuba Kasabankanya Musuma mu Cilonganino? Ilyashi, mu kuba no kulandapo kwe bumba. Tatukabila ukulamuka nelyo amaka yaibela. Tufwile fye ukuba no mutima uwa kubomba uulangisha ukutemwa, ukuicefya, ukupimpa no kutasha. Ebeni ibumba lilande pa bucindami bwa: (1) umupashi wa bucibusa, (2) ukulasangwako no kwasukapo lyonse pa kulongana, (3) mu kuitemenwa ukulasumina no kubombe milimo, (4) ukulabombela capamo na baeluda no kutantika kwa cilonganino, (5) mu bufumacumi ukulaafwilishako bambi, na (6) ukulabombako umulimo wa mwi bala lyonse no kukanacelwa ukutuma lipoti cila mweshi.
Ulwimbo 25 ne pepo lya kusondwelela.