Ukulongana Kwa Mulimo Ukwa January
Umulungu wa Kutampa January 4
Ulwimbo 36
10 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu.
15 min: “Bomfyeni Bwino Ifitabo fya Kale.” Ifipusho ne fyasuko. Lumbuleni ifitabo fya kale fintu mukwete. Landeni pa fyebo fimo ifyabamo na fintu fingabomba pa kutambika ifi fitabo ku bantu. Koselesheni bonse ukutambika ifi fitabo mu mulimo wa mwi bala na mu bunte bwa mu lyashi muno January. Sanshenimo icilangililo icipi, icayanguka pa fya kutambika icitabo.
20 min: Ukusalapo Ukulingana ne Funde pa lwa Kundapwa Ukwabula Umulopa (Imil. 15:28, 29). Ilyashi na eluda wafikapo ukushimpwa pali kalata wa Sosaite uwa November 16, 1992. Kardi wa Advance Medical Directive/Release: Pa kupwa kwa kuno kulongana, Inte sha kwa Yehova ababatishiwa bakapeelwa kardi umupya, na baba na bana abaice abashabatishiwa bakabapokela ama Identity Card. Takuli kulembapo icili conse pa makardi ilyo ukulongana kwapwa. Yafwile ukulembwapo bwino bwino ku ng’anda, lelo TE KUSAINA. Ukusaina, ukwikalila ubunte, no kulemba inshiku pa makardi yonse kukabako pa Isambililo lya Citabo pa Cilonganino ilikakonkapo. Uukalolekeshapo ni katungulula we sambililo lya citabo. Libe tamulasaina, shininkisheni ukuti kardi naisushiwa onse. Abaleikalila ubunte bafwile ukubapo ilyo umwine wa kardi alesaina. Bakasabankanya abashabatishiwa na bana babo kuti balemba pa mapepala yabo, pa kukopolola ifyebo ukulingana ne mibele yabo na fintu basuminamo. Bakatungulula ba masambililo ya citabo balingile ukulemba amashina ya bonse aba mwi bumba lyabo pe pepala apo bakaconga ku kushininkisha ukuti bonse baafwiwa ukwisusha kardi wa Advance Medical Directive/Release. Pa kuti tucingililwe bwino ukulingana ne funde lya buteko, uyu kardi afwile ukwisushiwa bwino onse.
Ulwimbo 61 ne pepo lya kusondwelela.
Umulungu wa Kutampa January 11
Ulwimbo 88
10 min: Ukubilisha kwa pa mwenu. Lipoti wa ndalama.
20 min: “Umupampamina Wesu wa Kukonkelela Imikalile Iiteemuna Yehova.” Ilyashi. Sanshenimo ukukoselesha bonse ukusangwa lyonse ku kulongana konse kusano pa cilonganino ukubako cila mulungu.
15 min: “Tekanyeni.” Ukulanshanya kwa lupwa. Bapituluka mu fintu bengacilapo nga nshi ukuba abatekanya mu butumikishi. Sanshenimo ifyebo fyalinga mu Ulupungu lwa kwa Kalinda ulwa June 15, 1995 ibula 12.
Ulwimbo 135 ne pepo lya kusondwelela.
Umulungu wa Kutampa January 18
Ulwimbo 169
5 min: Ukubilisha kwa pa mwenu.
10 min: Ukukabila kwa pa mwenu.
15 min: “Bakangalila Abatungulula—Bakatungulula ba Masambililo ya Citabo pa Cilonganino.” Ilyashi na katungulula we sambililo lya citabo uwa ca kumwenako, uwalanda pa milimo abomba. Alondolola fintu imilimo abomba ilenga ababa mu cilonganino ukulunduluka no kutwalilila abatuntulu lwa ku mupashi. Sanshenimo ifishinka fikalamba ukufuma mu citabo ca Abateyanishiwa ku Kupwilikisha Ubutumikishi Bwesu, amabula 43-5 na 74-6.
15 min: “Ukutendeka Amasambililo Muli Broshuwa wa Cintu Lesa Afwaya.” Ilyashi lya fipusho ne fyasuko.
Ulwimbo 197 ne pepo lya kusondwelela.
Umulungu wa Kutampa January 25
Ulwimbo 201
10 min: Ukubilisha kwa pa mwenu.
15 min: “Amaawala Yalefwaikwa Nomba Kuli Bapainiya.” Tasheni bapainiya baba mu cilonganino no kukoselesha bakasabankanya na bambi ukutendeka bupainiya bwa nshita yonse nelyo ubwa kwafwilisha, apo kukaba ukubombesha kwalundwapo mu myeshi ya March, April na May. Sanshenimo ne fyebo fya mu ca mu kati ica Ubutumikishi Bwesu Ubwa Bufumu ubwa February, 1997.
20 min: “Bushe Kuti Mwaabukila ku Makedonia no Kubaafwa?” Ilyashi lya fipusho ne fyasuko ukutungululwa na Kangalila wa Mulimo. Shimikeni ifya kukumanya fintu abakuukilapo ukwali ukukabila baipakishe. Koselesheni bonse abengakumanisha, ukuti bengakuukila ku cifulo ukuli ukukabila kukalamba pali filya fifulo fili pa mutande.
Ulwimbo 225 ne pepo lya kusondwelela.