Ukutantika Ukulongana kwa Mulimo

Umulungu wa Kutampa January 8

Ulwimbo 12

10 min: Ukubilisha kwa pa mwenu. Koselesheni bonse ukutamba vidio itila No Blood—Medicine Meets the Challenge ilyo balepekanishisha ukulanshanya ukukaba mu Kulongana kwa Mulimo mu mulungu wa January 22. Nga tamukwete vidio, kuti mwaeba bakasabankanya ukupituluka mu fyebo fyaba mu citabo ca kuti Bushe Cinshi Baibolo Isambilisha? pe bula 128 ukushinta pa 133, paragrafu 10 ukushinta ku 19. Bomfyeni ifyebo fili pe bula 4 nelyo ifyebo fimbi ifingalinga mu cifulo mushimikila, ukulangilila ifya kulanda pa kushalika Ulupungu lwa kwa Kalinda ulwa January 15 na Loleni! ya January-March. Mu cilangililo cimo, langilileni ifyo mwingalanda nga bamweba ukuti ‘Nshikwete nshita.’—Moneni icitabo ca Ukupelulula, ibu. 19 ukufika ku 20.

15 min: Nonkelenimo mu Ukubebeta Amalembo Cila Bushiku. Ilyashi no kulanshanya na bali mwi bumba ukufuma mu fyebo fili pa kamutwe ka kuti ‘intendekelo’ mu katabo katila Ukubebeta Amalembo Cila Bushiku–2007. Lanshanyeni umulandu cawamina ukuti bonse tulepatulako inshita inono cila bushiku iya kubelenga ilembo lya mu Baibolo ne fyebo fiba mu katabo. Ebeleni limo kasabankanya umo nangu babili ukulanda ifyo batantika pa kutila balebebeta ilembo e lyo ne fyo banonkelamo. Ilyo mulepwisha ilyashi, landeniko na pe lembo lya mwaka wa 2007.

20 min: Shimikileni Bonse Imbila Nsuma. Ilyashi no kulanshanya na bali mwi bumba ukufuma mu citabo citila Abaiteyanya Ukucita Ukufwaya kwa kwa Yehova pe bula 92 ukushinta pa kamutwe kanono pe bula 102.

Ulwimbo 165 ne pepo lya kusondwelela.

Umulungu wa Kutampa January 15

Ulwimbo 93

10 min: Ukubilisha kwa pa mwenu. Ukubilisha kwasobolwamo mu Fya Kubilisha ifili mu Ubutumikishi Bwesu Ubwa Bufumu.

15 min: Bushe Kuli Icilemulesha? Ilyashi na eluda ukufuma mu Ulupungu lwa kwa Kalinda ulwa April 1, 2002, pe bula 13 ukushinta pa 15.

20 min: “Nshilefwaya.”a Ilyo mulelanshanya paragrafu 4, ipusheni abali mwi bumba ukulanda ifyo abengi mu cifulo mushimikila batemwa ukulandapo. Citeni ifilangililo fibili ifipi ukulangilila ifyo twingalanda nga batweba ukuti ‘nshilefwaya.’—Moneni icitabo ca Ukupelulula, ibu. 16.

Ulwimbo 135 ne pepo lya kusondwelela.

Umulungu wa Kutampa January 22

Ulwimbo 224

10 min: Ukubilisha kwa pa mwenu. Belengeni lipoti ya ndalama na kalata iyafumine ku musambo iya kutasha icilonganino pa bupe catumine. Bomfyeni ifyebo fili pe bula 4 nelyo ifyebo fimbi ifingalinga mu cifulo mushimikila, ukulangilila ifya kulanda pa kushalika Ulupungu lwa kwa Kalinda ulwa February 1 na Loleni! ya January-March. Mu cilangililo cimo, langilileni kasabankanya alebwelela ku muntu atwalila bamagazini lyonse.

10 min: Ukukabila kwa pa mwenu.

25 min: “Bushe Ukundapwa Ukusuma Ni Kwisa?” Ili lyashi uukalanda ni eluda. Bwangu bwangu tendekeni ukulanshanya ne bumba pali vidio ya kuti No Blood, ukubomfya amepusho yali mu cipande. Sondweleleni pa kubelenga paragrafu ya kulekelesha kabili koselesheni bonse ukubelenga ifipande balangilile ifyaba mu Ulupungu lwa kwa Kalinda. Nga tamukwete vidio lanshanyeni ne bumba ifyebo fyaba mu citabo ca Bushe Cinshi Baibolo Isambilisha pe bula 128 ukushinta pa 133 paragrafu 10 ukushinta ku 19.

Ulwimbo 188 ne pepo lya kusondwelela.

Umulungu wa Kutampa January 29

Ulwimbo 55

10 min: Ukubilisha kwa mwenu. Cinkuleniko bakasabankanya ukuleta amalipoti ya mulimo wa mwi bala aya January. Landeni ulupapulo lwa kushalika mu February, kabili citeni ne cilangililo cimo ukulangilila ifya kulanda pa kushalika ulu lupapulo.

20 min: “Bushe Mwali-ipekanya ku Cinkunka?”b Ili lyashi uukalanda ni eluda. Landeni na pa Umukululo wa Mepusho mu Ubutumikishi Bwesu Ubwa Bufumu ubwa January 2005.

15 min: Ukupekanya Ukusuma Uko Tunonkelamo. Ili lyashi uukalanda ni eluda. Belengeni no kulanshanya kalata iyalembelwe pa January 3, 2007 iyafumine ku musambo iyatuminwe ku filonganino fyonse ukukuma ku nshila twinganonkelamo mu milimo ya ba Komiti ba Kumfwaninamo ne Fipatala (HLC) na mu mabumba ya baeluda Abapempula Abalwele (PVG).

Ulwimbo 137 ne pepo lya kusondwelela.

Umulungu wa Kutampa February 5

Ulwimbo 3

10 min: Ukubilisha kwa pa mwenu.

15 min: E fyo Naba! Ilyashi no kulanshanya na bali mwi bumba. Abacaice bamo balashimunuka ukuilondolola ukuti ni Nte sha kwa Yehova pantu bamona kwati abanabo balabaseka. Lelo, kwaliba imilandu iisuma iyo ulingile ukuilondolola ukuti ni we Nte. Bakafundisha abaishiba ifyo wasumina nalimo te kuti bakupatikishe ukucita ifintu ifyo beshibe ukuti tawasumine. Abo sambilila nabo bacintomfwa bakalatiina ukukweba ukuti na iwe uciteko ifibi ifyo balecita. Abana be sukulu banobe bakeshiba umulandu ukaanina fimo pamo nga ukwangala na bakashana nangu abalumendo no mulandu ushifwaila ukwangalako amangalo ya pa sukulu no kucitako ifintu fimo ificitwa pa numa ya kwinuka. Na kabili tawakaleumfwa insoni nga uleshimikila pa sukulu nelyo nga wakumanya uo usambilila nankwe ilyo muleshimikila mu cifulo mubombela. (g-CW 7/8 02 ibu. 28) Ipusheni bakasabankanya ukulanda ifyo banonkelemo pa kuilondola pa sukulu ukuti ni Nte sha kwa Yehova. Kuti mwaebela limo kasabankanya umo nangu babili.

20 min: “Ukutemwa—E Kulenga Tulebomba Bwino Umulimo.”c Kuti mwalanda na pa maparagrafu yabili, 16 na 17 ayaba pe bula 23 mu Ulupungu lwa kwa Kalinda ulwa February 1, 2003.

Ulwimbo 83 ne pepo lya kusondwelela.

[Amafutunoti]