Miting Blong Kingdom Wok Blong Maj
Wik We i Stat Long Maj 1
Singsing 33
8 menet: Lokol mesej. Sam Advaes long Kingdom Wok Blong Yumi.
17 menet: “Lafet Blong Tingbaot Ded Blong Kraes Long Fulwol.” Kwestin mo ansa. Yusum sam poen long Wajtaoa blong Febuwari 1, 1997, pej 11-12, paragraf 10-14. Makemgud olsem wanem bigfala lav blong Jeova i bin pusum hem blong givim wan ransom blong pemaot yumi.
20 menet: Sam Gudfala Risen Blong Mekem Haftaem Paenia Long Manis Epril mo Mei. Elda we i lukaot long wok blong prij i givim tok ya. Storeyan wetem ol man we oli lesin mo leftemap tingting blong evriwan blong tinghevi long wok blong haftaem paenia. Talem bakegen ol niufala jenis long saed blong aoa blong ol fultaem mo haftaem paenia, we i stap long Kingdom Wok blong Janewari 1999, pej 3. From jenis ya, i gud we plante moa brata mo sista oli joen long wok blong paenia. Eksplenem olsem wanem fasin tangkiu we yumi gat long sakrefaes blong Kraes i mas pusum yumi blong traehad moa blong prij long narafala. (2 Kor. 5:14, 15) Long yia ya, Memoriol i stap long faswan dei blong manis Epril. Hemia wan nambawan samting we i pulum olgeta pablisa blong Kingdom blong wantem givim moa taem blong olgeta long manis ya blong mekem wok blong prij. Lukluk bakegen ol pepa we oli stap insaed long Kingdom Wok blong manis Febuwari 1997 mo Maj 1998, we oli tokbaot wok blong haftaem paenia. Talem sam rod blong yusum ol program we oli stap long ol pepa ya. Talem bakegen ol miting blong prij blong yumi, we oli givim bigfala jans long yumi blong joen long wok blong prij wetem ol narafala. Leftemap tingting blong ol pablisa blong tekem wan pepa blonghaftaem paenia afta long miting.
Singsing 44 mo laswan prea.
Wik We i Stat Long Maj 8
Singsing 52
10 menet: Lokol mesej. Ripot blong ol kaon.
20 menet: “Singaot Olgeta Blong Kam.” Kwestin mo ansa. Soemaot from wanem i impoten blong pulum man we i intres blong kam long ol miting blong kongregesen. Mekem wan pleplei we i soemaot wan pablisa i storeyan wetem wan man we i intres, mo i yusum Save buk, pej 159, paragraf 20, mo pej 161-163, paragraf 5-8. Leftemap tingting blong evriwan blong traehad blong halpem ol Baebol studen mo ol narafala we oli intres, blong kam long Memoriol long Epril 1. Soemaot wan kopi blong pepa we bambae yumi yusum blong singaot man i kam long Memoriol, mo eksplenem olsem wanem yumi save yusum gud pepa ya. Evriwan i mas seremaot ol pepa ya blong Memoriol, stat long wik ya.
15 menet: Lokol nid.
Singsing 62 mo laswan prea.
Wik We i Stat Long Maj 15
Singsing 56
10 menet: Lokol mesej. Tokbaot haf ya “?Bambae Yu Yu Kam?”
15 menet: “Ol Man Blong Givhan Oli Mekem Bigfala Wok.” Wan man blong givhan we i nafgud, i mekem tok ya. Talem bakegen ol stamba poen long buk ya Ol Rul Blong Minista Wok Blong Yumi, pej 55-57. Eksplenem wanem wok we ol man blong givhan oli stap mekem blong givhan long kongregesen blong yumi.
20 menet: ?Yumi Mekem Wanem Taem Narafala i Givim Advaes Long Yumi? Wan elda i givim tok ya. Yumi evriwan i save kasem advaes, long saed blong fasin blong yumi, ol fren blong yumi, no long ol defren wok we yumi mas mekem long kongregesen. Samtaem i isi blong agensem ol advaes we yumi kasem no blong kam kros. Sipos yumi rere blong akseptem mo folem ol advaes we narafala i givim long yumi, samting ya bambae i givhan bigwan long yumi long saed blong spirit. Talem bakegen sam impoten poen we oli soemaot from wanem yumi mas akseptem mo gat tangkiu from ol advaes we yumi kasem.—Lukluk Wajtaoa blong Epril 1, 1987, pej 27-30.
Singsing 68 mo laswan prea.
Wik We i Stat Maj 22
Singsing 162
10 menet: Lokol mesej. Talemaot nem blong olgeta we bambae oli mekem wok blong haftaem paenia long Epril. Eksplenem se i no let yet blong fulumap pepa blong paenia. Talemaot olgeta miting blong prij we ol brata oli plan blong mekem long manis Epril. Leftemap tingting blong evriwan blong folem Baebol riding blong Memoriol we i stat long Maj 27 kasem Epril 1, long buk ya Ridimgud Ol Tok Blong Baebol Evri Dei—1999 mo 1999 Kalenda.
15 menet: Reregud From Memoriol. Wan tok. Evriwan i mas mekem plan blong halpem ol Baebol studen mo ol narafala we oli intres, blong kam long Memoriol. Ol niuwan we oli kam long miting ya, maet oli no kasem save from wanem yumi no kakae bred mo dring waen, maet oli no save tu se, from wanem yumi mas mekem lafet ya. Lukluk bakegen Wajtaoa blong Epril 1, 1996, pej 6-8, mo soem olsem wanem yumi save halpem ol niuwan blong kasem mining mo risen blong mekem lafet ya. Blong finisim tok ya lukluk haf ya “Ol Samting Blong No Fogetem Long Memoriol” mo talem ol plan blong Memoriol we yumi gat long ples blong yumi.
20 menet: ?Wanem Bambae i Hapen Long Yumi Taem Yumi Ded? Wan elda i storeyan wetem tu no tri pablisa we oli gat gudhan blong prij. Oli tokbaot from wanem buklet ya i impoten mo olsem wanem blong yusum hem. Bambae yumi save moa long saed blong buklet ya taem yumi stat stadi long hem long ol Buk Stadi blong yumi long Jun namba 21. ?Yumi stap yusumgud buklet ya long wok blong prij? Tokbaot ol kwestin ya: ?From wanem plante man oli intres long kwestin ya? ?Buklet ya i tokbaot wanem hop, we i defren olgeta long ol giaman tijing blong plante skul tede? ?Olsem wanem blong yusum ol kwestin we oli stap long bak blong buklet ya, blong pulum intres blong man? ?Wanem sam gudfala jans we maet yumi gat blong seremaot buklet ya? Mekem wan pleplei we yu yusum ol vas long paragraf 14 long pej 27. Leftemap tingting blong evriwan blong faenem jans blong yusum buklet ya.
Singsing 92 mo laswan prea.
Wik We i Stat Long Maj 29
Singsing 111
12 menet: Lokol mesej. Talem bakegen long evriwan blong putum ripot blong prij blong manis Maj. Bambae yumi seremaot Wajtaoa mo Wekap! long manis Epril. Soemaot ol niufala magasin we yumi kasem, talem sam haf blong magasin ya we i gud blong yusum mo soem sam poen we oli save pulum intres blong man. Evriwan i mas tekem buklet ya Wanem taem oli joen long wok blong prij mo yusum hem blong statem Baebol stadi wetem ol man we oli intres.
15 menet: “Olsem Wanem Evriwan Long Famle Oli Wok Tugeta—Blong Joen Long Ol Miting Blong Kongregesen.” Wan famle i storian tugeta. Oli tokbaot ol stamba poen blong haf ya, mo oli tokbaot olsem wanem blong rerem miting tugeta olsem wan famle. Tokbaot sam rod we oli save folem blong givgivhan long olgeta blong oli save joen long ol miting mo wanem we oli mas mekem blong bambae famle i save kam long ol miting long stret taem.
18 menet: Haremgud from 1999 Yearbook. Wan hasban mo waef oli storeyan tugeta. Hasban i eksplenem se Yearbook i kamaot fastaem long 1927 mo i mekem bitim 70 yia nao we hem i givim ol ripot long saed blong wok blong ol Witnes blong Jeova raon long wol. Tufala i tokbaot sam total namba we oli stap long “1998 Grand Totals,” long pej 31. Biaen, tufala i tokbaot haf ya “A Letter From the Governing Body,” we i stap long pej 3-5, mo talem olsem wanem tok ya i leftemap tingting blong tufala blong gohed long wok. Sipos 1999 Yearbook i no kasem yufala yet, yufala i save tokbaot haf ya “?I Stret Blong Askem Mane Long Kristin Brata Blong Mi?” long Wajtaoa blong Novemba 15, 1998. Ale, taem yufala i kasem buk ya yufala i save mekem tok ya long wan narafala miting, long haf we i blong lokol nid.
Singsing 118 mo laswan prea.