Ol Miting Blong Kingdom Wok

Wik We i Stat Long Jun 11

Singsing 178

10 menet: Lokol mesej. Jusum sam Advaes we oli stap long Kingdom Wok Blong Yumi. Leftemap tingting blong evriwan blong wajem video kaset ya Jehovah’s Witnesses Stand Firm Against Nazi Assault, blong rere from tok we i kamaot long sevis miting blong wik we i stat long Jun 25.

15 menet: “Gohed ‘Blong Mekem Ol Gudfala Fasin’.” Wan tok we i stanap long Baebol we wan elda i givim mo we i leftemap tingting.

20 menet: “Kasem Hat Blong Studen.”a Tokbaot sam rod we yumi save folem blong givhan long ol niuwan blong mekem se bilif mo lav we oli gat long Jeova mo Jisas i gru long hat blong olgeta. Yusum ol stamba poen long Wajtaoa blong Julae 15, 1999, pej 14, haf 18-20.

Singsing 184 mo laswan prea.

Wik We i Stat Long Jun 18

Singsing 194

5 menet: Lokol mesej. Ripot blong ol kaon.

10 menet: Ansa Long Tok We Man i Sakem Blong Blokem Yumi. Mekem wan tok mo storian wetem olgeta we oli stap lesin. Tokbaot ol haf we oli stap aninit long tok ya “Comments” long pej 15-16, long Reasoning buk. Jusum tu no tri tok long pej 16-20, we plante taem ol man long teritori blong yumi oli yusum blong blokem tok blong yumi. Askem olgeta we oli lesin blong talem sam ansa we oli yusum finis mo from wanem ol ansa ya oli karem gudfala frut.

30 menet: “?Yu Yu Rere Blong Wok?” Wan tok we i leftemap tingting mo askem sam long olgeta we oli lesin blong rerem ansa long sam kwestin long haf 13 mo haf 18-24. Leftemap tingting blong ol papa mama mo ol pikinini blong olgeta, blong oli tingbaot wok long Betel. Pulum ol famle blong stadi long haf ya blong Kingdom Wok long taem blong famle stadi.

Singsing 197 mo laswan prea.

Wik We i Stat Long Jun 25

Singsing 2

15 menet: Lokol mesej. Storian smol long saed blong buk we kongregesen i seremaot long manis Julae mo Ogis. Tokbaot tu buklet we kongregesen i gat. Rerem gud sam pleplei blong soemaot olsem wanem blong seremaot tufala buklet ya long wok blong prij. Blong mekem ol pleplei ya lukluk laswan pej blong ol Kingdom Wok blong ol manis Julae mo Ogis long yia 1995 go kasem 1998.

30 menet: “!Mi Stanap Strong! !Mi Stanap Strong! !Mi Stanap Strong!” Wan tok wetem sam kwestin long saed blong video kaset ya Stand Firm. Yusum ol kwestin long haf 2. Tokbaot haf 3-4. Biaen, talem ekspiriens we i stap long Wekap! blong Novemba 22, 1999, pej 31. Long manis Ogis bambae yumi tokbaot video kaset ya The New World Society in Action.

Singsing 29 mo laswan prea.

Wik We i Stat Long Julae 2

Singsing 5

13 menet: Lokol mesej. Talem long ol pablisa blong putum ripot blong prij blong manis Jun. Tokbaot bokis ya “?Yu Gat Evri Yearbook?” Talem sam ekspiriens long ol Yearbook blong 1999 go kasem 2000, blong soem se ol buk ya oli nambawan blong ridim. Pulum olgeta we oli no gat ol Yearbook ya blong odarem olgeta sipos i gat sam i stap yet.

15 menet: Ol Yangfala—Waesgud Taem Yu Jusum Wan Wok. Hemia faswan blong tri haf we bambae oli kamaot long Ol Miting Blong Kingdom Wok. Ol haf ya bambae oli tokbaot ol rul blong Baebol long olgeta we oli wantem skul moa. Sam yangfala Kristin oli wantem gohed moa long edukesen blong olgeta from we oli wantem kasem wan gudfala wok. Be edukesen ya i save spolem olgeta long saed blong spirit. Long haf ya, wan papa mama i storian wetem yangfala boe no gel blong tufala. Yangfala ya i mas mekem sam bigfala disisen long saed blong wanem we hem i wantem mekem long fiuja. Nating se maet sam yangfala oli intres blong winim plante mane, kasem wan haenem, no ol naesfala samting blong laef, be famle ya i lukluk i go long Baebol blong lidim olgeta. (Lukluk Young People Ask, pej 174-175; Wajtaoa blong Ogis 15, 1997, pej 21, mo blong Septemba 1, 1999, pej 19-21, haf 1-3 mo 5-6.) Yangfala ya i agri se i waes blong jusum wan rod long laef we i save givhan long hem blong kasem ol mak long saed blong spirit, mo mekem wok blong Kingdom i gohed moa.

17 menet: “Soem Gudfala Eksampol Long Toktok Mo Fasin.” Kwestin mo ansa.b

Singsing 32 mo laswan prea.

[Ol futnot]