Ol Miting Blong Kingdom Wok

Wik We i Stat Long Julae 9

Singsing 4

8 menet: Lokol mesej. Jusum sam Advaes we oli stap long Kingdom Wok Blong Yumi.

17 menet: Ol Ripot Blong Maj mo Eprel. Elda we i lukaot long wok blong prij i givim tok ya mo i askem kwestin long sam pablisa. Tokbaot ripot blong prij blong kantri long Maj mo blong kongregesen long Maj mo Eprel. Askem kwestin long sam pablisa we oli bin traehad long minista wok long Eprel. Askem olgeta blong tokbaot glad we oli bin kasem from we oli joen fulwan long wok blong prij, mo wanem we oli mekem blong gohed strong long minista wok blong olgeta.—Lukluk pepa insaed long Kingdom Wok Blong Yumi blong Maj 2001, paragraf 28-30.

20 menet: “Kasem Gudfala Frut Taem Yumi Stadi Long Revelesen Buk.”a Tokbaot smoltaem olsem wanem blong kasem gudfala frut taem yumi stadi long buk ya, Revelesen. Leftemap tingting blong evriwan blong joen long Buk Stadi oltaem.

Singsing 42 mo laswan prea.

Wik We i Stat Long Julae 16

Singsing 10

10 menet: Lokol mesej. Ripot blong ol kaon.

15 menet: Ol yangfala—Tingtinggud Bifo We Yu Jusum Wan Wok. Wan papa wetem boe no gel blong hem, tufala i go luk wan elda we i gat save long saed blong wok. Tufala i tingbaot Miting Blong Kingdom Wok tu wik i pas, we i tokbaot waes fasin blong jusum wan wok. Nao yangfala i gat strong tingting blong mekem wok blong fultaem paenia, be hem i no sua olsem wanem bambae hem i kasem ol samting we hem i nidim long saed blong bodi. Elda ya i talem se tufala i no mas tingting tumas long ol samting long saed blong bodi. (Wajtaoa, Septemba 1, 1999, pej 11, paragraf 13) I waes we yangfala i kasem trening blong mekem wan wok we i naf blong pem olting we hem i nidim. Plante oli bin mekem olsem, oli lanem wan wok we i no tekem tumas taem mo mane blong lanem. (Wajtaoa, Februari 1, 1996, pej 14; Young People Ask, pej 178) Trifala i lukluk Wekap! (Inglis mo Franis) blong Maj 8, 1996, pej 9-11, mo oli luk sam gudfala advaes blong faenem wan wok we i stret.

20 menet: “?Yu Save Go Long Ples We i Nidim Moa Man Blong Prij?”b Makem se i impoten blong toktok wetem ol elda mo seket elda bifo we yumi mekem disisen long saed ya.

Singsing 50 mo laswan prea.

Wik We i Stat Long Julae 23

Singsing 19

8 menet: Lokol mesej.

17 menet: “!Ol Distrik Asembli—Taem Blong Glad!” Wan elda i givim tok ya. Eksplenem from wanem long taem blong Baebol ol man blong Jeova oli joen wanples long ol bigfala asembli, mo from wanem ol asembli ya oli impoten tumas long taem blong yumi. Gudfala kampani blong ol brata sista long ol asembli ya i mekem bilif blong yumi i strong, mo yumi kasem kakae long saed blong spirit we yumi nidim. Makem se i impoten we evriwan i stap long trifala dei blong asembli ya.

20 menet: Lokol nid.

Singsing 53 mo laswan prea.

Wik We i Stat Long Julae 30

Singsing 22

8 menet: Lokol mesej. Talem long ol pablisa blong givim ripot blong prij blong manis Julae.

20 menet: Jehovah’s Witnesses—Who Are They? What Do They Believe? Tok mo wan pleplei. Lukluk long buklet ya mo tokbaot olsem wanem yumi save yusum blong eksplenem wok mo bilif blong yumi. Buklet ya i eksplenem se yumi hu (pej 3-5), i tokbaot sam wok we yumi mekem long ol yia we oli pas (pej 6-11), i talem ol bilif we oli makemaot yumi se yumi defren long ol narafala skul (pej 12-14), i eksplenem gud nius ya we yumi stap talemaot mo olsem wanem yumi mekem wok blong prij (pej 15-21), i soemaot olsem wanem wok blong yumi i givhan long vilej (pej 22-24), i tokbaot wok blong yumi long ful wol (pej 25-26), mo i ansarem ol kwestin we plante man oli gat long saed blong yumi (pej 27-31). Pablisa i mekem pleplei blong soemaot olsem wanem blong yusum buklet ya blong ansarem wan long ol kwestin long pej 29 we man i askem long wok blong prij. Biaen, pablisa i singaot man blong haos blong mekem samting we laswan pej i tokbaot. Leftemap tingting blong evriwan blong yusum buklet ya blong halpem ol famle blong yumi we oli no Witnes, blong oli savegud yumi, mo blong givhan long olgeta we oli soem intres taem yumi visitim olgeta bakegen, mo blong pulum ol Baebol studen oli joen wetem ol man blong Jeova.

17 menet: “Lesin Long Ol Tok We i Save Tijim Yumi.” Wan tok mo askem sam kwestin long olgeta we oli stap lesin. Eksplenem from wanem tijing we i kamaot long ol asembli i olsem impoten kakae long saed blong spirit we yumi nidim. Tokbaot bigfala wok blong rerem program, we i tekem taem mo hadwok. Askem olgeta we oli stap lesin blong talem wanem we yumi wanwan i save mekem, blong yumi mo ol narafala i save kasem fulwan blesing from ol asembli. Talem risen from wanem i impoten we yumi evriwan i sidaon bifo we program i stat.

Singsing 57 mo laswan prea.

Wik We i Stat Long Ogis 6

Singsing 25

15 menet: Lokol mesej. Askem olgeta we oli lesin blong tokbaot olsem wanem oli tekem janis blong prij taem oli wokbaot blong go long wok, skul, no taem oli visitim ol famle we oli no Witnes.

10 menet: “Program Blong Nekiswan Seket Asembli.” Wan tok. Talemaot stret dei blong nekis seket asembli. Yumi evriwan i mas singaot ol Baebol studen blong oli kam long asembli ya. Leftemap tingting blong ol pablisa we oli no baptaes yet, blong oli tingtinggud blong givim laef blong olgeta long Jeova mo tekem baptaes long nekiswan asembli. Leftemap tingting blong evriwan blong oli lesingud long olgeta tok long tufala dei ya.

20 menet: “!Yu No Mas Fraet Blong Prij!”c Sipos i gat taem, tokbaot sam stori we oli stap long Wajtaoa, Disemba 15, 1999, pej 25.

Singsing 63 mo laswan prea.

[Futnot]