Ol Miting Blong Kingdom Wok

Wik We i Stat Long Februari 10

Singsing 4

10 menet: Lokol mesej. Jusum sam Advaes long Kingdom Wok Blong Yumi. Yusum ol advaes long pej 8 blong mekem tu pleplei blong seremaot Wajtaoa blong Februari 1 mo Wekap! blong Februari 8. Long tufala pleplei ya, oli mas soemaot tufala magasin ya tugeta, nating se oli tokbaot wan nomo.

35 menet: “Prij Mo Givim Wan Gudfala Witnes.”a Elda we i lukaot long wok blong prij i mekem haf ya. Leftemap tingting blong olgeta we oli naf, blong oli haftaem paenia long manis Maj mo Eprel. Askem long olgeta we oli bin paenia long taem blong Memoriol las yia blong oli talemaot tingting blong olgeta. ?Wanem plan we oli folem blong paenia? ?Oli jenisim wanem samting mo oli mekem wanem spesel traehad? ?Wanem ol glad mo blesing we oli bin kasem? Tokbaot ol program long bokis long pej 4. Talem long evriwan se oli save tekem wan pepa blong haftaem paenia afta long miting.

Singsing 30 mo laswan prea.

Wik We i Stat Long Februari 17

Singsing 48

10 menet: Lokol mesej. Ripot blong ol kaon. Talem wanem buk we yumi seremaot long Maj. Talem wan no tu rod blong seremaot Save buk, folem ol advaes long pepa we i stap insaed long Kingdom Wok Blong Yumi blong Jenuware 2002. Makemgud se yumi mas traehad blong statem ol niufala Baebol stadi.

15 menet: “?Yu Yu Glad Blong Gat Buk Stadi Long Haos Blong Yu?” Wan brata we i lukaot long buk stadi i mekem tok ya. Tokbaot sam poen long Ansa Blong Wan Kwestin long Kingdom Wok Blong Yumi blong Eprel 2001 mo Februari 1990. Talemaot hamas buk stadi i gat long kongregesen mo hamas man oli stap kam. Askem long wan no tu pablisa blong oli talem olsem wanem olgeta mo famle blong olgeta oli kasem blesing from buk stadi we i stap long haos blong olgeta. Eniwan we i wantem letem haos blong hem blong oli mekem buk stadi long hem, hem i mas talemaot long presiden elda.

20 menet: “?Wanem Samting We i Impoten Long Laef Blong Yu?”b Askem long wan no tu pablisa we oli rere finis blong oli talem olsem wanem oli jenisim sam samting long laef blong olgeta blong oli save prij moa.

Singsing 57 mo laswan prea.

Wik We i Stat Long Februari 24

Singsing 74

15 menet: Lokol mesej. Talem long ol pablisa blong oli givim ripot blong prij blong Februari. Yusum ol advaes long pej 8 blong mekem tu pleplei blong seremaot Wajtaoa blong Februari 15 mo Wekap! blong Februari 22. Long tufala pleplei ya, oli mas soemaot tufala magasin ya tugeta, nating se oli tokbaot wan nomo. Wan elda i ridim “Leta Blong Hed Kampani.”

10 menet: “Kasem Help Long Stret Taem.” Wan elda i mekem tok ya. Makemgud se spesel traehad blong givhan long olgeta we oli no moa prij i stap soemaot lav mo kea we Jeova i gat long ol man blong hem.

20 menet: “Serem Olting Blong Yumi Wetem Narafala.”c Wan elda bambae i mekem haf ya. Talem ol gudfala toktok long kongregesen from presen mane we oli givim blong sapotem wok blong Kingdom long olgeta ples blong wol, mo blong givhan long kongregesen blong olgeta blong kasem ol samting we i nidim.

Singsing 56 mo laswan prea.

Wik We i Stat Long Maj 3

Singsing 14

10 menet: Lokol mesej. Blong smoltaem, tokbaot “Niufala Plan Blong Ol Laebri Long Haos Kingdom.” Talemaot hu nao bambae i lukaot long laebri long Haos Kingdom blong yufala. Mekem ol save ya i laenap wetem kongregesen blong yufala.

15 menet: Lokol nid.

20 menet: “Tingting i Mas Klia Gud Taem En i Kam Klosap.”d Long haf 3 mo 4, askem long sam pablisa blong tokbaot ol mak long saed blong spirit we oli stap traehad blong kasem naoia.

Singsing 127 mo laswan prea.

[Ol futnot]