Serem “Ol Gudfala Samting” Taem Yu Tekem Narafala i Kam Long Haos (Mat. 12:35, NW)

Yumi evriwan i wantem serem “ol gudfala samting” wetem ol narafala, taem ‘yumi rere blong tekem olgeta oli kam long insaed long haos blong yumi.’ (Rom. 12:13) Ol elda nao oli faswan blong mekem olsem, taem oli givhan blong pem sam samting mo givim kakae long ol brata we branj ofis i sanem olgeta blong oli givim tok long asembli. Nating se i olsem, maet samtaem yumi fraet blong mekem olsem from we maet yumi no gat plante samting no maet yumi wari taem narafala i kam long haos blong yumi. Be sipos yumi tingting gud long ol tok we Jisas i talem long Mata, bambae i givhan long yumi blong blokem ol kaen tingting olsem. (Luk 10:39-42) Jisas i makem poen ya se “gudfala samting” blong tingbaot hemia, blong joen wanples, mo lefleftemap tingting blong yumi. Be i no blong tingbaot wan bigfala kakae, no wan gudfala haos. Sipos yumi folem advaes ya, bambae yumi save serem “ol gudfala samting” wetem ol brata mo sista blong yumi olsem we Baebol blong talem.—3 Jon 5-8.