Wok Blong Paenia i Presem Jehova

Ol man Isrel oli gat plante gudfala risen blong presem Jehova. !Hem i tekemaot olgeta long Ijip mo i sevem olgeta long ol ami blong Fero! (Eks 15:1, 2) Jehova i gohed blong mekem i gud long ol man blong hem. ?Olsem wanem yumi save soem tangkiu long Jehova?—Sam 116:12.

Wan rod, hemia blong mekem wok blong haftaem o fultaem paenia. Yu save prea mo askem Jehova blong i halpem yu blong wantem mekem wok blong paenia mo blong i givim paoa long yu. (Fil 2:13) Plante oli statem fastaem blong mekem haftaem paenia. Maet yu save jusum blong mekem 30 o 50 aoa long manis Maj mo Eprel, mo tu long taem blong visit blong eria elda. Afta we yu kasem bigfala glad from wok blong haftaem paenia, maet hemia bambae i pusum yu blong wantem mekem fultaem paenia. Nating se samfala oli wok fultaem o oli gat problem blong helt, be oli gohed yet blong mekem wok blong fultaem paenia. (mwb16.07 8) !Yumi sua fulwan se Jehova i glad long eni traehad we yumi mekem blong presem hem!—1Kr 16:25.

WAJEM VIDEO YA TRI SISTA LONG MONGOLIA, BIAEN YU ANSA LONG OL KWESTIN YA:

• 

  ?Wanem hadtaem we ol trifala sista ya oli winim blong oli save paenia?

• 

  ?Wanem ol blesing we oli kasem?

• 

  ?Wanem ol niufala wok we trifala i kasem from we oli mekem wok blong fultaem paenia?

• 

  ?Eksampol blong trifala i givhan long ol narafala olsem wanem?