STATEM WAN STORIAN
LESEN 3
Soem Se Yu Kaen
Stamba Trutok: “Man we i gat lav, hem i . . . kaen.”—1 Kor. 13:4.
?Jisas i Mekem Wanem?
1. Wajem VIDEO, o ridim Jon 9:1-7. Biaen askem ol kwestin ya:
?Jisas i mekem wanem fastaem, hem i hilim blaenman ya o i talemaot gud nius long hem?—Yu luk Jon 9:35-38.
?Yu ting se wanem nao i mekem se man ya i glad blong lesin long Jisas?
?Yumi Lanem Wanem Long Eksampol Blong Jisas?
2. Man bambae i glad blong lesin long mesej we yumi talemaot, sipos hem i haremsave se yumi kea long hem.
Folem Eksampol Blong Jisas
3. Traem kasemsave. Traem kasemsave long filing blong man.
Askem yu wan se: ‘?Hem i stap wari long wanem? ?Wanem bambae i givhan long hem blong hem i harem gud?’ Sipos yu traem kasemsave long hem, bambae yu naf blong soemaot se yu kaen long hem mo yu wantem givhan.
Lesin gud long man. Sipos yu mekem olsem, yu soemaot se yu kea long hem. Sipos hem i talemaot filing blong hem long saed blong wan samting, o i tokbaot wan problem we hem i fesem, i nogud yu jenisim topik.
4. Toktok kaen mo gat respek. Man bambae i haremsave long voes blong yu sipos yu rili sore long hem mo yu wantem halpem hem. Taswe yu mas tingting gud long ol toktok we bambae yu talem, olsem wanem blong talem, mo lukaotgud blong no talem ol samting we i save mekem hem i harem nogud.
5. Rere blong givhan. Lukaot janis blong givhan long man. Man bambae i glad moa blong toktok long yumi, taem yumi soem se yumi kaen.