Áaksstsinaiʼkioʼpa Ááhkohtsitáyaahsiʼtakssi Iihtsipáítapiiyoʼpa?

Ohsohkít makáʼpiiwa. 1 Corinthians 6:9, 10

Ikkamáwaakomimmahki Jehovah, máátáakaistotsiiʼpa otáíkaiʼtsiiʼpi.

Jehovah máátáísstakkiwa ááhkáíkamoʼsoʼsi, ááhkáwaattsiyoʼsi, tsááhtaoʼ ááhkáókaʼpoʼtsisioʼsi, tsááhtaoʼ ááhkáóksihtsisttakioʼsi ááhkitáísspimmohsoʼsi.

Iihtsipáítapiiyoʼpa iikáíkaiʼtsima iksimíʼnikkssini, ki ááhkáíʼnitahsi amá íssitsimaani máátomaipokaawa, ki iikattáíkaiʼtsima amá nínaawa, ááhkawattáóhpokaopiimahsi nínaawa, tsááhtaoʼ amá aakííwa ááhkawattáóhpokaopiimahsi aakííwa. Máátáísstakkiwa ááhkáónootsskioʼsi tsááh­taoʼ ááhkáíitsskaoʼsi.

Oʼtstsíssi matsowáʼpiʼnssimaani matápii máátáakattoh­kottsistotsimiaawa makáʼpiiwa.

Máátáakaitapatsimoyihkaoʼpa matápii otáwaatoyiʼtsiiʼpoaawayi tókskaistsi anistápiiyaawa iyáaksiksaakssiiksi, tsááhtaoʼ atapíímiksi ki máátáakaistotsiiʼpa iksísstaʼpiiwa.

Sokáʼpiiwa áístotsit. Matthew 7:12

Áakohtáyaahsiʼtakiwa Iihtsipáítapiiyoʼpa ikkamáyiimatahki.

Nóóhkáwaakomimmis matápii ki kitáakóóhkáíkimmayaawa ki kitáakóóhkáísspommoayaawa matápii.

Nóóhkáíkamoʼtsskaʼsit.

Stámikimmapiiyipitsit ki stamáísa­pistotootsiiyik ki stámipoʼtsik kohtáyaamiʼtakihpoaayi.

Ohtáítsinikit Jehovah ki otánistaʼpaissspi.​—Isaiah 43:10.