Áaksikííhtsiiʼpiaawa Áátsimoyihkaanistsi?

1. Kítaoʼohkanáísokaʼpiiyaawa áátsimoyihkaanistsi?

Kanáwaatsí­moyih­kaanistsi itstsííʼpa áísstaiksi ááhksiksoʼkowammahsaawa Iihtsipáítapiiyoʼpa. Iihtsipáítapiiyoʼpa áínoyiiwaiksi ki iihtáíkiiwaiksi ámoksska matápii. Noohkánistsiiwa ki iiksikímmataanaʼpiiwa matápii áakitohtáókaʼpis­sitapii­yaawa áátsimoyihkaani. (2 Corinthians 4:3, 4; 11:13-15) Iihtáóhtsimaoʼpa otsítstsissi áátsimoyihkaanistsi áítsinssiiksi áískiʼtstaakiiksi, iksimíʼnikkssini, awahkáóótsiiyssini ki otáóksistotoahsaawa pookáíksi. Iikohtáíkkihkiniiʼtakiyaawa áíitaʼpitomaiʼtakiiksi Iihtsipáítapiiyoʼpa!​—Okstóót Matthew 24:3-5, 11, 12.

Áíkamoʼtáátsimoyihkaiksi áíniʼyimmiiyaawa Iihtsipáítapiiyoʼpa ki iikohtssawáyááhsiʼtakiwa áísayiipitsáátsimoyihkaiksi. Áísayiipitsáátsimoyihkaiksi máátohtáíssksinimaʼtstohkiyaawa Naatóyssínaakssini, iihtáísayiipitsíssksinimaʼtstohkiyaawa ákaiʼniiksi ki Iihtsipáítapiiyoʼpa. Jehovah noohkáísstatsiiwa matápii ááhkohtsikámoʼtssksinimaʼtsaahsaawa ostóyi.​—Okstóót Ezekiel 18:4; 1 Timothy 2:3-5.

2. Áaksikííhtsiiʼpiaawa Áátsimoyihkaanistsi?

Iihtsipáítapiiyoʼpa máátohtáwaattsiistotoawa áátsimoyihkaanistsi áwaaniiksi otáwaakomimmahsaawa Iihtsipáítapiiyoʼpa, ámoksska noohkáísstaanáwaakomiʼtsimiaawa Makáʼpatoʼsiwa otokákihtsimaani. (James 4:4) Iihtsipáítapiiyoʼpa Otsiʼpówahsini niitánistsínihkatooʼpa sáyiipitsáátsimoyihkaani “Babylon the Great.” Sáyiipitsáátsimoyihkaani iitómatapítstsiiwa ámohka ikáísiiwa ómahkakáítapisskoyi Babylon otáíʼksistómahkoʼkakoyssi Noah otsitsáákiipáítapiiyssi. Máátáttsisamowa, Iihtsipáítapiiyoʼpa áakitsikkámsssikáaattsstooma sáyiipitsáátsimoyihkaani máátáakattsitáípsstsiksistotoyiiyaawa ki ááhkáóksistotoahsaawa matápii.​—Okstóót Revelation 17:1, 2, 5, 16, 17; 18:8.

Máttsitstsiiʼpa iʼtáámitsinikssiistsi. Kanáísayiipitsáátsimoyihkaanistsi itstsííʼpa áísstaiksi ááhksiksoʼkowammahsaawa Jehovah, ámoksska áaksspommoyiiwaiksi. Áakohtohkanípoʼtoyiiwaiksi ámoksska matápii otsikámoʼtssksinimáʼtstohkssini.​—Okstóót Micah 4:2, 5.

3. Áaksikiiyaawa matápii áísstaiksi ááhksiksoʼkowammahsaawa Iihtsipáítapiiyoʼpa?

Jehovah iihtáíkiiwa matápii áwaakomiʼtsimiksi ikámoʼtaʼpiiwa ki sokáʼpiistsi. Áwaahkomimmiiwaiksi ááhkítskiʼsaawa sáyiipitsáátsi­moyih­kaani. Matápii áwaakomimmiiksi Iihtsipáítapiiyoʼpa áísapiʼtsimiaawa ááhkáyoohkiitaʼpaissaawa ki Iihtsipáítapiiyoʼpa iikohtáyááhsiʼtakiwa ámoksska.​—Okstóót Revelation 18:4.

Matóómikiipíppoisstoyiimistsi, ámoksska áísstaiksi ááhksiksoʼkowammahsaawa Iihtsipáítapiiyoʼpa iikohtááhsiʼtakiyaawa otáóhtoʼtohtsimaahsaawa iʼtáámitsinikssiistsi ámoksska íssksksimaiksi. Ámoksska íssksksimaiksi iihtáíssksinimaʼtsiiyaawa matápii máániipáítapiiyssini iihtóʼtstsiiwa Jehovah, iihtssksínimaʼtsaayaawa iʼtáámipaitapiiyssini ki ohtáípaitapiihpiaawa ki ááhkanistáóhkottoʼtsitsikiʼtsiʼsaawa íssoohtsika. Áakohkottáyiimatayaawa tská áyisstsiiwatóómiaawa iʼtáámitsinikssiistsi ki áótoomipoʼtoyiiyaawa Jehovah.​—Okstóót 1 Thessalonians 1:8, 9; 2:13.

Jehovah áítapámmiiwa otsikámoʼtáátsimoyihkaani ámoksska matápii iitskímiksi sáyiipitsáátsi­moyih­kaani. Jehovah kitáwammoka kitááhkáwakkaamahsi, ikkamáwakkaamainiki kitáakohkottssksínoayaawa áákomimmapiiyipitsiiksi áítapaatsimoyihkaiksi Jehovah ki kitáakohkottomanistáípaitapiiyi.​—Okstóót Mark 10:29, 30; 2 Corinthians 6:17, 18.

4. Iihtsipáítapiiyoʼpa tsá áakanistohkottsitapípohtooma iʼtáámaʼpssini kanáóʼtakssksaahkoyi?

Áakitámitssokáʼpiiwa sáyiipitsáátsimoyihkaani áóʼkakihtsimatooʼki, kiánnikáyi matápii máátáakattsitohtáókohkoyiyaawa. Kiánnikáyi sáyiipitsáátsimoyihkaani máátáakattsitáóhkottaattsiistotoyiiwa ki ááhkáwaaniitsipoʼtoahsi kanáítapii. Kanáípaitapiiksi ánnikaaki áakáítapaatsimoyihkaayaawa niʼtsitáíkamoʼtsitapiwa Iihtsipáítapiiyoʼpa.​—Okstóót Revelation 18:20, 21; 21:3, 4.