Kuma baro kɛcogoya la

Filipe ye min kɛ

WIDEYO: Filipe bɛ Etiopi jamana kuntigiba dɔ waaju

1. WIDEYO lajɛ, walima Kɛwalew 8:​30, 31 kalan. O kɔ, nin ɲininkali ninnu sɛgɛsɛgɛ:

1. Filipe ye baro daminɛ cogo di?

2. Mun na o kɛra baro daminɛcogo ɲuman ye min fɛ a sera ka o cɛ kalan fɛn kura dɔ la?

Filipe ka misali bɛ an kalan mun de la?

2. Ni an bɛ an jija ka kuma mɔgɔw fɛ baro kɛcogoya la, o b’a to an barokɛɲɔgɔn hakili bɛ sigi kosɛbɛ ani a bɛ sɔn ka cikan lamɛn an bɛ ka min lase a ma.

Filipe ladege

3. Kɔlɔsili kɛ. Mɔgɔ farikolo lamaga cogo, a bolow lamaga cogow, ani a ɲɛda kɛcogo bɛ se ka fɛn caman jira i la a tigi ko la. Yala a bɛ iko a ka di a tigi ye ka kuma i fɛ wa? Ni o don, i bɛ se ka baro daminɛ ni Bibulu tiɲɛ kuma dɔ ye i kɛtɔ k’a tigi ɲininka cogo nɔgɔnman na ko: “Yala i tun b’a dɔn ko . . . ?” Ni mɔgɔ dɔ t’a fɛ ka kuma, i kana baro diyagoyakɛ a tigi fɛ.

4. Muɲuli kɛ. Kana a miiri ko ni baro daminɛna dɔrɔn, i ka kan ka sin ka kuma Bibulu tiɲɛ kuma dɔ kan o yɔrɔnin bɛɛ. Waati bɛnnen makɔnɔ walisa i ka se ka o Bibulu tiɲɛ kuma kofɔ baro kɛcogoya la. Tuma dɔw la yɛrɛ, a bɛ se ka kɛ ko aw ye baro kɛ siɲɛ fɔlɔ min na, i tɛ sin ka Bibulu tiɲɛ kuma fɔ a tigi ye o baro kɔnɔna na. Nka i bɛ makɔnɔni kɛ ka sɔrɔ ka o fɔ a tigi ye siɲɛ wɛrɛ ni aw ye baro kɛ tuguni.

5. Ɲɛfɔliw kɛ ka bɛn mɔgɔw magow ma. I barokɛɲɔgɔn bɛ se k’a daminɛ ka fɛn dɔ fɔ i tun ma sigi ni min ye. O la, i labɛnnen ka kɛ ka fɛn dɔ fɔ a tigi ye min b’a dusukun sɔrɔ. O kɛ hali n’a y’a sɔrɔ ko o bɛ i bila ka baro kɛ Bibulu tiɲɛ kuma wɛrɛ kan, i tun ma min labɛn o don baro kama.