-Muë -n ˈcɩaa Biblë, kwänuë wa ˈkä -wʋwʋsɛzokwëa ˈwlu ˈplɩ

-Waɲɩ dlɩpäsaa -wʋä ˈwlɩlɩ, wa ˈyize mʋa bhɛnɩɛ wa -ɲɛ Zoova ˈsɔ ˈkä ˈwʋ -wʋnɩ. (1P 1:14-16) -Mɔ -a ˈcɩaa Biblë, ɔ -kä ˈɔ -wʋwʋsɛzokwëa ˈwlu ˈplɩ, ˈɔ ˈligbëa yi ˈtɩɩ -wʋ, ɔ yi ˈmö nɛnɩ ˈn ɔ yiˈɛ ˈɔ monii a köbhäsɛ -yi.

Zoova ˈa ˈpäpägböö mii, ˈsaa kää ˈŋlɩ ˈn ɔ yiɲɩɛ ˈɔ ˈpäpägböö ˈɲɛ, sɛ yɩ käˈɛ wa -li a -lii ˈmö, -a nɩ -sɛsɛnuëɲɩ dlɩ -gömö. -A nɩ kwänuë wa ˈkä ˈwa dlɩpäsaa ˈmö zigbanɩ, -lɛ a dɔˈwʋ wa bhɛnɩ wa ˈkä ˈsaa Zoova yɩbhää nʋ. (Ɛf 4:22-24) Nʋnʋlizokuu wa yɛɛ ˈtɛɲɩ a -bɛ ˈmö nʋnɩɩ, -a nɩ kwänuë wa ˈkɩ ˈmö ˈnʋ nɩɩ, Zoova bhɛnɩ ɔ ˈkʋa kwänɩ, nzɩ wa ˈkɩ kɛˈmö -sɛ (Fil 4:13) -A nɩ kwänuë wa ˈkä sɛ -yi nɩɩ, -lii a tʋzokwëa -kʋa dlɩ zɛmö yii, wa kä wa ˈkä Zoova bhibhe nzɩ ɔ ˈkʋa kwänɩ. -Lii -yɩ ˈkää gbä nzɩ wa ˈkä -mäpäpʋ ˈmö bhlinɩɩ, -a nɩ kwänuë wa ˈkɩ yɩbhlɩnɩ, ˈn wa ˈkiˈɛ gwë ˈdionɩ. -A nɩ ˈpʋa swɩ ɲɛmʋ ˈmö wa ˈkä -lizokuu a nʋnwɛ kɛˈmö -sɛ, nzɩ wa ˈkä -li a -lii nʋ. -Muë -a ˈcɩaa Biblë, Zoova -kʋa kwänɩ ˈn wa -kä ˈmö zigbonɩ ˈn wa -kä -li a -lii nʋʋ, ˈmäna yɩ zʋä dlɩ zɛmö.

A NƖ YLƐ VIDEO, -MUË -N ˈCƖAA BIBLË, KWÄNUË WA ˈKÄ -WƲWƲSƐZOKWËA ˈWLU ˈPLƖ, ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:

• 

  ˈSaa tula ɔ nɩɩ ˈyukugänɩwaa -ɲɛ Neta ˈsɔ, wa kɩ a-a dlɩ ˈwʋ nɩɩ -Tlɛŋwanɩ bhɛnɩ a-a ɔ ˈkä ˈmö zigbonɩ ˈnɩ?

• 

  Sɛɛ Neta kwänɩ ɔ ˈyɛ -Tlɛŋwanɩ ˈnɩ?

• 

  Sɛɛ -Tlɛŋwanɩ tɛlɩ ɔ sɛ nzɩ Zoova ˈkɔ kwänɩ ˈnɩ?