LAGƆWƐLƖBIALIBHOO A ZA YƐLA -LII ˈMÖ ˈYIZE | TƐLƖ SƐ LAGƆWƐLƖBIALIBHOO -KAMÖ TEƝII ˈMÄNA DLƖ ZƐMÖ ˈZƲ
-A nɩ ˈcɩa ˈmänasɛ
-A -kä ˈmänasɛ bhïlaa, yɩ yi nɩkpa -mä ˈsunɩ, wa yi -aˈa ˈsaa -a bhïla sasɛ ˈyukwli -pʋnɩ. Yɩ yiˈɛ tula nɩɩ, -aˈa lagɔwɛlɩɩ -a biaa, yɩ kä teɲii dɛsɛ. Dɛɛ -a yi ˈbhöönɩ -kë, sɛɛ -a yi -wʋ -kë, -a bhɛnɩ -a ˈkä ˈyli yɔwʋ ˈtɛmanɩ -a ˈkä ˈkwädlɩ ˈmäna ˈmö -wʋ. (Gh 12:11) Sɛɛ -a bhɛnɩ -a ˈkä ˈzʋ ˈnɩ?
Tɛkädɔˈwʋ, lagɔwɛlɩɩ -a ˈkää nɩkpa ˈɲɛ a sɛ yɩ kää dɛsɛ, -a nɩ ˈpäni dlɩ kɛ. -Jɔlʋ ˈkɔdʋ -a kää ˈmö, muä nɩɩ, -a ˈkä Lagɔ ˈa “ˈtɩtɩ a -tɩtɩɩ” bia. (Gh 10:15) ˈSɔnadɔˈwʋ, sɛɛ Lagɔ ˈa ˈtɩtɩ a -tɩtɩɩ ˈkää -wa -pʋniɛ ˈyukwli kwänɩ, nzɩ ˈwa zɩkpaa ˈkä nɛmanɩ, -a nɩ ˈpäni dlɩ kɛ. Wɛlɩɩ -a yɩbhää -a ˈkʋa ˈɲɛɛ, wa kä wa ˈkɩ ˈnʋ. (Gh 10:13, 14) Tanadɔˈwʋ, -a nɩ bhïla kuˈmösusɛ, ˈn sɛɛ -aˈa klʋʋ ˈmö -wʋä -ɲɛ -aˈa yɛkayɛkasaa ˈsɔ, yɩ nɩ tula nɩɩ, -aˈa wɛlɩɩ -a bhïla dlɩ zɛmö yɩ ˈbhöönɩɲɩɛ.
A NƖ YLƐ VIDEO, NƖKPA -KÄ ZEZWII A -NƲA ˈZƲ A ˈMÄNA YƖ KÄÄ ˈMÖ, -A NƖ GHLƖMAA, -A NƖ KÄ ˈSLƐLƐ: -A NƖ ˈCƖA ˈMÄNASƐ; ˈN A NƖ YƖLƖ NIMÏYƖBHÄKÏBHÏ ˈLƐ YƆWƲ:
ˈSaa kä ɔ ˈŋlɩ ˈn swɩ yi ɔ Neta yɔwʋ ˈkunɩ, ˈn ɔ ˈkä -Tlɛŋwanɩ ˈcɩa ˈnɔaˈa ˈmäna ˈwʋ -bhö ˈnɩ?
ˈSaa kwänɩ ɔ Neta ˈn ˈmäna yo bhä ˈwʋ ˈsɔ dlɩ zɛmö yi ˈnɩ?
-A -kä ˈmäna dlɩ zɛmö -kä, yɩ yiˈɛ -mumuë ˈmäna dlɩ zɛmö ˈzʋmö.
-Wa -pʋnɩɲɩɛ ˈyukwli, ˈwa -wʋwʋsaa a kii -yɩ nɛnɩɛ a ˈyize mö -a kää -a ˈkä ˈwʋ yɩlɩ, -yɩ kä ɔ ˈŋlɩ ˈnɩ?
-A -kä ˈmäna dlɩ zɛmö -kä ˈsaa yɩ bhɛnɩ ɔ yɩ ˈkä -muë -a ˈcɩa Biblë -ɲɛ -mumuë ˈsɔ ˈwlu nʋ ˈnɩ?