Sɛɛ ˈyukwlipʋnɩwaa ˈkää -naˈa ˈcɩawɛlɩɩ -gänɩ, -sɛsɛni -gömö

Proverbes 3:21

ˈSAA -N ˈKÄÄ NƲ: Kwänɩ -wa -pʋnɩmöä ˈyukwli wa ˈkä sɛ -yi nɩɩ, wɛlɩɩ -n bhïla kä dɛsɛ -mä ˈwa zɩkpa ˈmö, ˈn sɛ wa ˈkɩɛ -gänɩ, tulanuë -sɩbhä ˈylimö.

SƐƐ -N ˈKÄÄ ˈZƲ:

• ˈPä -wa -pʋnɩmöä ˈyukwli a dɛ dlɩ. ˈSaa kää ˈŋlɩ ˈn ˈyukwlipʋnɩwaa ˈkää -naˈa wɛlɩɩ ˈyukwli -pʋnɩ, ˈpäni dlɩ kɛ. -Mä wɛlɩɩ ˈla ˈmö a kïbhï -yɩ ˈkʋa kwänɩ, ˈpäniˈɛ dlɩ kɛ.

• -Naˈa bhïlabhulu ˈwuë ˈmö, sɛɛ ˈyukwlipʋnɩwaa ˈkää ˈzʋʋ, sʋlʋnuë -sɩbhä. -N -kä tɛɛ cuu, ˈyukwlipʋnɩwaa kä wa ˈkä bhʋlʋbhlʋ ˈmö ˈnʋ nɩɩ, ‘wɛlɩɩ ˈlɛ -amö yɩ göä ˈyi.’ Sɛɛ wa ˈkää dɛsɛkäkïbhïï -gänɩ, sʋlʋnuëɲɩ. -N -kä bhïla dɔˈwʋ -wʋ, sɩbhänɩ ˈkïbhë.