SIKÔLÔ 11

Ye’ele’e a ayôñ ése

Beromain 12:11

ÔBALEBAS: Kobô’ô a ayôñ ése asu ya na, bôte be bi nkômbane ya vô’ôlô wo.

Kobô’ô a nlem ôse. Nté wo kômesan ésaé jôé, kôme’e fase mfi ya ñye’elane wo yiane ve. Kôme’e kômesane ésaé jôé aval é ne na, ô bo ngule ya kobô a nleme wôé teke lañ afep.
Tebe’e été bôte ba vô’ôlô wo. Fase’ aval avé afôla wo ye lañ, nge ke ñye’elan wo ye ve ô ne volô bôte ba ye vô’ôlô wo. Jeñe’ fe aval ô ne bo asu ya na, miñye’elan mite mi kôme nambe minleme mi bôt ba vô’ôlô wo.
Bo’o na nkañete wôé ô bo vevee. Kobô’ô a ayôñ ése. Bela’an bibu’a ya nyule jôé, a asu dôé na bôte be yeme yen aval wo wô’ôtan.

Ve te dañe fô’ô mo ve avale da, nalé a ne viane bo na bôte be bo teke tu’a vô’ôlô wo. Avale wo fô’ô mo môé da yiane kate ngumba foé. Éyôñ wo ngôné beta miñye’elane ya ésaé jôé, kobô’ô a ayôñ ése, va’a bôt ba vô’ôlô wo nkômbane ya bo mam wo jô. Te jeñe na ô dañe bo fianga, ô za bo na bôte ba vô’ôlô wo be tyili nleme wop été.