Dehn Werk Haad fi Bil di Templ Bikaaz Dehn Lov Jehoava

Salaman mi yooz di bes mateeryalz fi bil di templ (1Ki 5:6, 17; w11-E 2/1 15)

Lata peepl mi help bil di templ (1Ki 5:13-16; it-1-E 424; it-2-E 1077 ¶1)

Salaman ahn di peepl mi werk haad fi sevn yaaz fi finish bil di templ (1Ki 6:38; si di picha pahn di kova)

Salaman ahn di peepl mi bil wahn byootiful templ weh aana Jehoava bikaaz dehn lov ahn. Bot sad fi seh, di peepl weh mi liv afta dehn wan weh mi bil di templ neva wership Jehoava wid dehn hoal haat. Dehn neva tek kayr a di templ, soh laytaraan ih mi geh dischrai.

Bradaz ahn sistaz luk hapi wail dehn di kleen di Kingdom Haal. Som a di frenz di put doanayshan eena di kanchribyooshan baks, adaz di taak tu wan anada, ahn wahn brada di tek kyaa a di lichricha fi di kangrigayshan.

AKS YUSELF, ‘Weh Ai di du fi mek shoar dat Ah kantinyu wership Jehoava wid aala mi haat?ʼ