GONDO 11

Womba-womba ngu nzila yo hiseka

Varoma 12:11

ATI HI NO BHULA NGU TONA: Wusa kutsakela ni kukuzeta vaengiseli vako ngu kuwomba-womba ngu kuhiseka.

Womba-womba ti txi huma mbiluni. U txi wuseta txienge txako alakanya kwati ngu lisima la didungula di di ku ka txienge txako. U txi ziva kwati ti to u kota kuwomba-womba ti txi huma mbiluni.
Alakanya ngu vaengiseli vako. Alakanya ngu nzila yi ati u no lera mwendo kugondisa ti no vhuna ngu yona vamwani. Gondisa ngu nzila yi yi no maha ti to vaengiseli vako ve ninga lisima ati u ti gondisako.
U nga womba-wombe nga u to otela. Womba-womba ngu nzila yo hiseka. Thumisa mawoko, msungo ni khohe ngu nzila ya mtumbuluko kasi kukombisa matipfelo ako.

Ti wonele ku u si tsulupeti vaengiseli vako ngu kuthumisa sihango sako ngu nzila yimweyo ha ko za u ziwa ngu toneto. Si thumise ngu nzila ya yinene, kombisa kuhiseka ngutu-ngutu u txi gondisa timhaka ta hombe mwendo u txi kuzeta vaengiseli. U nga va swire ngu kuhiseka ngutu mbimo yi u txhukako txienge txako.