2 Corinto
4 Mao nga, sanglit nakabaton man kami niini nga ministeryo+ sumala sa kaluoy nga gipakita kanamo,+ kami wala moangka; 2 apan kami mibiya na sa sinuwitik nga mga butang nga angayng ikaulaw,+ nga wala magalakaw pinaagig lipatlipat, ni nagasambog sa pulong sa Diyos,+ kondili pinaagi sa pagpadayag sa kamatuoran nagarekomendar sa among kaugalingon ngadto sa matag tawhanong tanlag diha sa atubangan sa Diyos.+ 3 Kon, karon, ang maayong balita nga among ginapahayag sa pagkatinuod gitaptapan man, kini gitaptapan taliwala niadtong nagakalaglag,+ 4 taliwala kanilang ang diyos niini nga sistema sa mga butang+ nagbuta sa mga hunahuna sa mga dili-magtutuo,+ aron nga ang kahayag+ sa mahimayaong maayong balita+ bahin kang Kristo, nga mao ang larawan+ sa Diyos, dili makadan-ag.+ 5 Kay among ginawali, dili ang among kaugalingon, kondili si Kristo Jesus ingon nga Ginoo,+ ug ang among kaugalingon ingon nga inyong mga ulipon+ tungod kang Jesus. 6 Kay ang Diyos mao ang miingon: “Mosidlak ang kahayag gikan sa kangitngit,”+ ug siya misidlak sa among mga kasingkasing aron sa pagbanwag+ kanila sa mahimayaong kahibalo+ sa Diyos pinaagi sa nawong ni Kristo.+
7 Hinunoa, nabatonan namo kini nga bahandi+ diha sa mga sudlanan+ nga kulonon,+ aron ang gahom+ nga labaw sa kasarangan maiya sa Diyos+ ug dili gikan sa among kaugalingon.+ 8 Kami ginapiit sa tanang paagi,+ apan dili napiotan nga dili na makalihok; kami nangalibog, apan dili bug-os nga walay kalingkawasan;+ 9 kami ginalutos, apan wala biyai sa bug-os;+ kami nangatumba,+ apan wala malaglag.+ 10 Kanunay namong ginaantos sa tanang bahin sa among lawas ang makamatay nga pagtratar nga gihimo ngadto kang Jesus,+ aron ang kinabuhi ni Jesus mapadayag usab dinhi sa among lawas.+ 11 Kay kami nga buhi kanunayng ginapaatubang sa kamatayon+ tungod kang Jesus, aron ang kinabuhi ni Jesus mapadayag usab dinhi sa among may-kamatayong unod.+ 12 Tungod niana ang kamatayon nagalihok dinhi kanamo, apan ang kinabuhi diha kaninyo.+
13 Karon tungod kay kami adunay espiritu sa pagtuo nga sama nianang nahisulat: “Ako nagpasundayag ug pagtuo, busa ako misulti,”+ kami usab nagapasundayag ug pagtuo ug busa kami nagasulti, 14 kay nahibalo nga siya nga nagbangon kang Jesus magbangon usab kanamo uban kang Jesus ug magpresentar kanamo uban kaninyo.+ 15 Kay ang tanang butang maoy tungod kaninyo,+ aron nga ang dili-takos nga kalulot nga gipadaghan modagaya tungod sa pagpasalamat sa labi pang daghan alang sa kahimayaan sa Diyos.+
16 Busa wala kami moangka, apan bisan pa kon ang among pagkatawo sa gawas nagakahugo, tino nga ang among pagkatawo sa sulod+ ginabag-o sa adlaw-adlaw. 17 Kay bisan tuod ang kasakitan makadiyot lamang+ ug magaan, kini nagapatungha alang kanamo ug usa ka himaya nga labaw pa gayod ang gibug-aton ug walay kataposan;+ 18 samtang kami nagapunting sa among mga mata, dili sa mga butang makita, kondili sa mga butang nga dili-makita.+ Kay ang mga butang nga makita lumalabay lamang,+ apan ang mga butang nga dili-makita walay kataposan.+