Mga Tigom nga Motabang Nato sa Paghimog Tinun-an
SEMANA SA PEBRERO 8-14
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Hisgoti ang mga dagkong punto sa bag-ong mga magasin nga itanyag. Dasiga ang tanan sa pag-apil sa buluhaton sa magasin sa Sabado.
20 min: “Mopayunir Ka ba Karong Ting-init?” Mga pangutana ug tubag. Sa paghisgot sa mga parapo 3 ug 4 maayong ihatag ang lokal nga mga numero gikan sa miaging tuig, ipakita usab kon unsa ang lokal nga tumong sa mga katabang payunir karong Abril. Dasiga ang tanan sa pagtambong sa miting sa katabang nga pagpayunir sa Pebrero 21.
15 min: Pagdasig gikan sa mga payunir. Interbiyuha ang duha ka regular payunir ug duha nga nag-oksilyare payunir sa miaging Abril. Unsay nakadasig kanila sa pagpalista? Unsang kababagan ang ilang gibuntog? Unsang pagdasig ang ilang ikahatag sa uban nga buot mopayunir? Unsang mga kaayohan ang ilang nadawat? Matag usa niadtong giinterbiyu angay magadasig sa labing daghan nga mahimo sa pag-oksilyare payunir sa Abril.
Awit 204 ug pag-ampo.
SEMANA SA PEBRERO 15-21
10 min: Lokal nga mga pahibalo. Teokratikanhong mga Balita. Taho sa kuwenta; basaha ang sulat nga balos sa Sosyedad sa tanang amot ngadto sa Sosyedad, apil ang tabang alang sa mga misyonaryo sa pagtambong sa 1988 nga mga kombensiyon sa ilang kaugalingong nasod.
10 min: “Gamita ang Bag-ong mga Basahong Giluwatan sa Pagbuhat sa Kabubut-on sa Diyos.” Mga pangutana ug tubag. Dasiga ang personal nga mga sanong ngadto sa bag-ong mga basahong giluwatan. Ihatag ang pasiugda sa bili sa paggamit niining mga tagana ni Jehova sa pagwali ug sa pagtudlo sa maayong balita.
10 min: “Tinoa ang Labawng Hinungdanong mga Butang.” Pakigpulong.
15 min: Pakigpulong sa artikulong “Sakripisyo ba ang Imong Pagpanghatag?” gikan sa Bantayanang Torre sa Disyembre 1, 1987, panid 28.
Awit 224 ug pag-ampo.
SEMANA SA PEBRERO 22-28
10 min: Lokal nga mga pahibalo. Isugyot ang mga puntong kahisgotan sa bag-ong mga magasin ug ipasundayag ang mubong presentasyon. Dasiga ang tanan sa pag-ambit sa buluhaton sa magasin sa Sabado.
20 min: “Pagbuhat sa Kinahanglanong mga Butang sa Pagpahimuot sa Diyos.” Pangutana-ug-tubag nga paghisgot. Hisgoti nga mabatonan ang giimprenta pag-usab gikan sa Hunyo 22, 1982 nga Awake! ug ang mga magmamantala makabaton niini alang sa pagpakigsulti sa mga doktor.
15 min: Pakigpulong nga gipasukad sa artikulong “Mga Batan-on Nangutana . . . Hinungdanon ba ang Pagkahimong Higala sa Diyos?” sa Nobyembre 22, 1987 nga Pagmata!
Awit 216 ug pag-ampo.
SEMANA SA PEB. 29–MAR. 6
10 min: Lokal nga mga pahibalo. Dasiga ang mga pamilya sa pagsuportar sa unang Domingo nga pagsangyaw sa Marso 6. Hisgoti ang mga puntong kahisgotan ug mga ilustrasyon diha sa librong Worldwide Security nga magamit sa dihang magtanyag niini sa Marso.
20 min: “Pagtanyag sa Maayong Balita—Pagsangyaw sa Di-pormal nga Paagi.” Pangutana-ug-tubag nga panaghisgot. Pangutana, pinaagi sa pagpataas sa mga kamot, kon pilay unang nakahibalo sa kamatuoran pinaagi sa di-pormal nga pagsangyaw. Pahisgoti ang usa o duha ka kasinatian sumala sa itugot sa panahon.
15 min: Pakigpulong sa “Wala Panumbalinga ang mga Pasidaan ug Gisulayan ang Diyos” nga gibase sa artikulo sa Bantayanang Torre sa Disyembre 15, 1987, panid 21.
Awit 1 ug pag-ampo.