Mga Tigom nga Motabang Nato sa Paghimog Tinun-an
SEMANA SA NOBYEMBRE 12-18
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Panaghisgot sa bag-ong Ulohan nga Mahisgotan.
20 min: “Lig-ona ang Pagtuo sa Pulong sa Diyos.” Pangutanag tubag. Sa hisgotan ang parapo 3, ang epektibong mga magmamantala sa tigpaminaw mohisgot ug tinong mga sugyot ug mga komento bahin sa mga puntong igsusulti nga magamit diha sa pag-alagad sa kanataran. Andamon nga abante kining maong mga komento.
15 min: “Abanteng Pagplano Alang sa Disyembre.” Pangutanag tubag nga pagkobre. Sa parapo 5, ilakip ang interbiyu sa usa o duha nga nagpadapat sa pipila ka sugyot nga gihisgotan diha sa artikulo. Ipasundayag ang paagi sa batid nga payunir nga makatabang sa masibotong magmamantala sa paghimog personal nga eskedyol alang sa payuniring niining Disyembre.
Awit 195 ug paniklop nga pag-ampo.
SEMANA SA NOBYEMBRE 19-25
10 min: Lokal nga mga pahibalo ug taho sa kuwenta. Ilakip ang balos-pasalamat sa Sosyedad sa mga amot, ug ibutyag ang apresasyon sa pinansiyal nga suportar sa lokal nga mga panginahanglan sa kongregasyon.
17 min: Mga Ginikanan, Ayawg Pagpasuk-a ang Inyong mga Anak. Pakigpulong ug pasundayag nga gibase sa mga panid 17 ug 18 sa Pagmata!, Enero 22, 1990, ug ang mga sub-ulohang “Paglig-on sa Imong Anak nga Mapadayagnon” ug ang “Pagsabot sa mga Panginahanglan sa mga Tin-edyer” diha sa kapitulo 11 sa librong Pamilyahanong Kinabuhi. Dasiga ang mga ginikanan nga magmasinabtanon sa matag usa sa ilang mga anak ug abagan silang makaugmad sa espirituwal nga paagi ug sa ubang butang. Sa kataposan sa pagtuon sa Bibliya, ipasundayag ang paagi nga ang ginikanan nagadayeg sa mga anak tungod sa ilang mga panlimbasog. Gipakita ang interes sa ilang ‘schoolwork’ pinaagig pagpalig-on ug sa pagtabang sa mga luna nga sila adunay mga gumonhap. Motiklop ang tsirman pinaagig pagpasiugda sa panginahanglan nga ibutang sa kasingkasing ang interes sa bata sa tanang panahon.
18 min: “Abota ang mga Kasingkasing Pinaagig Epektibong mga Pagtuon sa Bibliya.” Tagdon ang artikulo sa pangutanag tubag. Sa tagdon ang mga parapo 3 ug 5 ipasundayag ang pagpahiangay ngadto sa lokal nga mga kahimtang. Ipasiugda ang tukmang mga puntos diha sa Agosto 1, 1984, nga gula sa The Watchtower.
Awit 43 ug paniklop nga pag-ampo.
SEMANA SA NOB. 26–DIS. 2
10 min: Lokal nga mga pahibalo. Teokratikanhong mga Balita. Sa mubo interbiyuhon ang usa ka pamilya nga nagaplano sa bug-os nga hinapos-semanang pag-alagad sa kanataran uban sa kongregasyon. Ipasiugda kon unsa ang makabulig sa uban.
20 min: “Pagtukod ug Suod nga mga Relasyon sa Pamilya.” Pakigpulong sa ansiyano, uban ang pipila ka pakig-ambit sa mamiminaw. Ilakip ang mga sugyot kon unsay mahimo sa lokal aron tukoron ang espirituwal nga mga hiyas diha sa mga membro sa banay ug sa pagtabang sa tanan nga magmalipayon sa buluhatong pagsangyaw sa kanataran.
15 min: Pag-andam Alang sa Ministeryo sa Kanataran. Ipasundayag ang usa ka grupo sa pamilya nga nangandam sa mga presentasyon sa kanataran uban sa usa ka tawo nga nagapasiugda sa mga magasin, ang lain nagatanyag ug ‘tract,’ ug ang ikatulo nagatanyag ug libreng pagtuon sa Bibliya sa balay. Himoa ang espesyal nga pasiugda sa paggamit sa tanyag sa Disyembre sa Akong Basahon sa mga Estorya sa Bibliya. Ipakita ang mga membro sa pamilya nga nagabansay niini uban sa usag usa.
Awit 42 ug paniklop nga pag-ampo.
SEMANA SA DISYEMBRE 3-9
10 min: Lokal nga mga pahibalo ug mga puntong igsusulti gikan sa kinabag-ohang magasin. Ilakip ang duha ka mubong pasundayag nga nagatanyag sa mga magasin.
20 min: “Pagtanyag sa Maayong Balita—Uban ang Pagkamailahon.” Pangutanag tubag. Human matagad ang parapo 3, himoon ang duha ka mubong pasundayag nga nagapakita kon unsaon sa pagpahiangay sa presentasyon ngadto sa mga kahimtang sa tagbalay. Ang mga pasundayag mahimo mang hunongon sa dihang malampos na kini, sagad sulod o pagkahuman dihadiha sa introduksiyon.
15 min: Paghimog Kalamposan sa Disyembreng Ministeryo. Mosugod sa Disyembre ang atong serye sa Distritong mga Kombensiyon. Planohang moambit sa ministeryo nga sayo pa sa bulan. Kon molakaw ka sa kataposan sa Disyembre, paneguroang ikabilin ang imong ‘field service report’ sa sekretaryo sa kongregasyon sa dili pa ikaw molakaw. Hisgoting mga puntong igsusulti nga haom nga magamit diha sa lokal nga teritoryo sa pagtanyag sa Akong Basahon sa mga Estorya sa Bibliya. Ipasundayag ang paagi kon unsaon sa magmamantala sa pagpakigsulti sa tagbalay bahin sa importansiya sa pagbasa sa Bibliya. Mahimong magamit ang 2 Timoteo 3:16, 17 aron ipakita ang Pulong sa Diyos maoy dinasig ug makaayo, nga sundan sa Juan 17:3 aron ipunting ang tinong benepisyo.
Awit 29 ug paniklop nga pag-ampo.