Mga Tigom sa Pag-alagad Alang sa Abril
Semana sa Abril 3-9
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian. Repasoha ang “Pangandam Alang sa Memoryal.”
15 min: “Mapasalamaton kon Unsay Atong Nabatonan.” Pangutanag tubag.
20 min: “Ang Bantayanang Torre ug Pagmata!—Mga Magasin Alang sa Atong Dinaliang mga Panahon!” Hisgoti uban sa mamiminaw. Ipakita sa duha ka magmamantala kon unsaon pag-andam sa usa ka presentasyon ginamit ang mga sugyot nga gihatag, ug unya ipasundayag nila pinaagig paghatag sa ilang mga presentasyon sa usag usa.
Awit 219 ug paniklop nga pag-ampo.
Semana sa Abril 10-16
10 min: Lokal nga mga pahibalo. Taho sa kuwenta. Teokratikanhong mga Balita. Pahinumdomi ang tanan sa pag-abag sa mga interesado sa pagtambong sa Memoryal. Dasigang tanan sa paghimog espesyal nga panikaysikay sa pagpakig-ambit sa pag-alagad sa kanataran niining hinapos nga semana.
15 min: “Paghupot sa Atong Gingharianong Panaghiusa.” Hisgoti uban sa mamiminaw.
20 min: “Daghang Buhaton Diha sa Buluhaton sa Ginoo.” Pangutanag tubag nga pagkobre pinaagig magtatan-aw sa pag-alagad. Repasohang mga kahikayan alang sa balaybalay nga pagpanagtag sa espesyal nga Kingdom News. Hisgoting mga plano sa pagkobre sa tanang natudlong teritoryo sa kongregasyon. Isaysay kon unsay angayng buhaton sa pagtabang sa mga bag-ohan sa pagpakig-ambit sa pag-alagad sa unang higayon. (Tan-awa ang Marso 1995 nga Atong Ministeryo sa Gingharian, panid 1.)
Awit 150 ug paniklop nga pag-ampo.
Semana sa Abril 17-23
13 min: Lokal nga mga pahibalo. Iasoy ang dagkong mga puntos sa pagsaulog sa Memoryal, ug repasoha kon sa unsang paagi ang dugang pag-abag ikahatag ngadto sa mga bag-ohan nga nanambong. Awhaga ang tanan sa pagtambong sa espesyal nga pakigpulong sa Abril 23 ug usab sa pag-abag sa bag-ohang mga interesado nga mobalik. Repasoha ang mga kahikayan sa pag-alagad sa kanataran sa pagpanagtag sa Kingdom News.
15 min: “Nakita ba Nimo ang Panginahanglan?” Pangutanag tubag. Sa mubo isaysay ang bag-ong mga tumong nga sulayang kab-oton sa mga ansiyano diha sa ilang buluhatong pagpasibsib. Ipatin-aw kon unsay mahimo sa mga indibiduwal sa pagtabang.
17 min: “Pangitaa ang mga Mahinangpon.” Hisgoti uban sa mamiminaw. Ipasundayag sa mubo ang usa o duha ka presentasyon.
Awit 197 ug paniklop nga pag-ampo.
Semana sa Abril 24-30
15 min: Lokal nga mga pahibalo. Repasoha ang pag-uswag sa pagpanagtag sa Kingdom News diha sa teritoryo. Dapitang mga magmamantala sa pag-asoy ug mga kasinatian nga napahimuslan sa pagtanyag sa Kingdom News.
12 min: “Pangutana.” Pangutanag tubag.
18 min: Dumalahang Makanunayon ang Inyong Pagtuon sa Pamilya. Ang bana ug asawa nagpahayag ug kabalaka bahin sa kakulang sa espirituwal nga pag-uswag taliwala sa ilang mga anak. Ang bana miangkon nga siya nagpasagad maylabot sa pagdumala sa pagtuon sa pamilya; usahay ubay-ubay ang mga semanang molabay nga walay bisan unsang pahimangno sa pamilya. Ilang girepaso ang direksiyon diha sa Giya sa Tunghaan, mga panid 37-8, mga parapo 12-14. Silang duha nagkauyon sa pag-una gayod sa pagtuon sa pamilya kada semana, nga dili motugot nga baldahon sa ubang mga kalihokan.
Awit 142 ug paniklop nga pag-ampo.