Eskedyul sa Tigom sa Pag-alagad
MATIKDI: Sugod niining isyuha sa Atong Ministeryo sa Gingharian, ang Eskedyul sa Tigom sa Pag-alagad maglakip sa laraw alang sa unang Tigom sa Pag-alagad sa mosunod nga bulan. Kining kausabana gihimo aron mahulipan ang posibleng pagkalangan sa pag-abot sa Atong Ministeryo sa Gingharian sa mga kongregasyon. Dugang pa, among gieskedyul ang tigom sa pag-alagad para sa matag semana sulod sa kombensiyon nga yugto, busa ang mga kongregasyon kinahanglang mopasibo sa lokal aron makatambong sa “Matagnaong Pulong sa Diyos” Distritong Kombensiyon ug dayon alang sa 30-minutos nga pagrepaso sa mga dagkong puntos sa programa sa Tigom sa Pag-alagad sa mosunod nga semana. Ang adlaw-adlaw nga pagrepaso sa programa sa kombensiyon angayng itudlo nga abante sa tulo ka kuwalipikadong mga igsoong lalaki, nga mopunting sa dagkong mga puntos nga nakat-onan sa kombensiyon.
Semana sa Disyembre 6
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
15 min: “Sundoga ang Pagkadi-Mapihigon ni Jehova.” Pangutanag tubag. Isaysay ang kahulogan sa pagkadi-mapihigon, kon giunsa kana pagpasundayag ni Jehova, ug kon unsaon nato sa pagpasundayag niini diha sa atong ministeryo.—Tan-awa ang Insight, Tomo 1, panid 1192, mga parapo 4-7.
20 min: “Wala ba Nato Kana Madunggi sa Miagi?” Pakigpulong ug panaghisgot sa mamiminaw. Dapita ang mamiminaw sa pagkomento kon sa unsang paagi ang pagsubli nakatabang kanila sa pagsabot ug pagpabili sa kamatuoran nga mas bug-os pa.—Tan-awa Ang Bantayanang Torre, Hulyo 15, 1995, mga panid 21-2, ug Agosto 15, 1993, mga panid 13-14, mga parapo 10-12.
Awit 218 ug paniklop nga pag-ampo.
Semana sa Disyembre 13
10 min: Lokal nga mga pahibalo. Taho sa kuwenta. Itanyag ang mga sugyot kon unsaon pagtubag nga mataktikanhon ang mga timbaya sa mga piyesta opisyal. Kon ang kongregasyon adunay estak nga mga librong Labing Bantogang Tawo o Dakong Magtutudlo, ipakita kon sa unsang paagi kini mahimong gamiton nga mapuslanon diha sa ministeryo sulod sa mga adlawng pangilin sa Pasko.
15 min: “Ang Tunghaan sa Teokratikanhong Ministeryo sa 2000.” Pakigpulong sa magtatan-aw sa Tunghaan sa Teokratikanhong Ministeryo. Repasoha ang mosunod nga mga kausaban diha sa eskedyul alang sa bag-ong tuig. Ang Asaynment Num. 3 ipasukad sa “Mga Topiko sa Panaghisgot sa Bibliya” ingon sa makita diha sa New World Translation o diha sa pasukip sa Oktubre nga Atong Ministeryo sa Gingharian. Ang Asaynment Num. 4 magpadayon sa pagkobre sa mga karakter sa Bibliya gikan sa Insight on the Scriptures ug sulod sa kataposang tulo ka bulan sa tuig ipasukad sa “Mga Topiko sa Panaghisgot sa Bibliya.” Kon ang numero nga marka (#) makita sunod niini nga asaynment, gipalabi nga dumalahon kini sa usa ka igsoong lalaki.
20 min: “Unsay Imong Isulti Ngadto sa Usa ka Ateyista?” Pangutanag tubag. Himoon ang usa o duha ka mugbong mga pasundayag. Alang sa dugang impormasyon, tan-awa ang librong Nangatarongan, mga panid 141-47, ug Pagpangita sa Katawhan sa Diyos, kapitulo 14.
Awit 220 ug paniklop nga pag-ampo.
Semana sa Disyembre 20
10 min: Lokal nga mga pahibalo.
15 min: Pagtubag sa Lagmit mga Tigsumpo sa Panaghisgot. Panaghisgot sa mamiminaw ug mga pasundayag. Basaha ang “Komento” sa mga panid 15-16 sa librong Nangatarongan. Kutloa ang duha o tulo ka “mga tigsumpo sa panaghisgot” gikan sa mga panid 16-20, o gamita ang uban nga subsob masugatan sa inyong teritoryo. Sa mubo ipasundayag ang pipila niana. Dapita ang mamiminaw sa pag-asoy sa mga tubag nga ilang gigamit nga may maayong mga resulta.
20 min: Angay Ko Bang Dawaton ang Trabaho nga Naglangkit sa Usa ka Relihiyosong Organisasyon? Pakigpulong sa ansiyano, nga gipasukad sa Abril 15, 1999, Bantayanang Torre, mga panid 28-30. Ang pipila ka indibiduwal midawat nianang trabahoa ug nadiskobrehan sa ulahi nga ang ilang ginabuhat dili uyon sa mga prinsipyo sa Bibliya. Repasoha ang mga pangutana nga kinahanglan natong tagdon sa dihang maghimog desisyon bahin sa sekular nga trabaho nga may pipilang relihiyosong kalangkitan. Dasiga ang tanan sa pagpangagpas sa dalan nga seguradong may maayong baroganan sa atubangan ni Jehova.— 2 Cor. 6:3, 4, 14-18.
Awit 109 ug paniklop nga pag-ampo.
Semana sa Disyembre 27
10 min: Lokal nga mga pahibalo ug “Bag-ong Programa sa Sirkitong Asembliya.” Pahinumdomi ang tanan sa pagtunol sa mga taho sa pag-alagad sa kanataran alang sa Disyembre.
15 min: Lokal nga mga panginahanglan.
20 min: Pagtanyag ug Daandaang mga Libro Sulod sa Enero. Pakigpulong ug mga pasundayag. Ipakita ang Nahiusa sa Pagsimba nga libro o duha o tulo ka daandaang 192-panid nga mga libro, nga gipatik sa wala pa ang 1986, nga anaa sa estak sa kongregasyon, ug dasiga ang mga magmamantala sa pagkuha ug pipila niana alang sa ministeryo sa kanataran. (Kon walay mabatonan, hisgoti ang kapiliang tanyag sa Enero sumala sa Mga Pahibalo sa panid 7.) Isaysay kon nganong kining daandaang mga publikasyon epektibo pa gihapon sa pag-ugmad ug interes sa Bibliya. Sa matag libro ipasiugda ang mga puntong igsusulti ug mga ilustrasyon nga magamit sa pagsugod ug mga panaghisgot. Ipasundayag ang usa o duha ka presentasyon.
Awit 224 ug paniklop nga pag-ampo.
Semana sa Enero 3
8 min: Lokal nga mga pahibalo. Repasoha ang “Bag-ong Programa sa Adlawng Espesyal nga Asembliya.”
12 min: Kon sa Unsang Paagi Maghatag ug Tubag. (Col. 4:6) Pakigpulong ug panaghisgot sa mamiminaw. Ang librong Nangatarongan maoy talagsaong tabang sa pag-abli ug dalan sa pagpaambit sa kamatuoran sa Bibliya sa uban. Kon ang tagbalay mosupak sa usa sa atong mga tinuohan, tingali atong magamit ang ulohang “Kon Adunay Moingon—” sa kataposan sa seksiyon nga naghisgot nianang pagtuoha. Hisgoti ang mga komento bahin sa Bibliya nga makita sa mga panid 81-84, ug tagda kon nganong ang gisugyot nga mga tubag hayan mapamatud-ang epektibo.
25 min: “Maalamong Gamita ang Atong Literatura.” Dumalahon sa Magtatan-aw sa Pag-alagad ang pangutanag tubag nga pagkobre sa artikulo sa pasukip. Sa dihang hisgotan ang mga parapo 3 hangtod sa 5, himoon ang usa o duha ka pasundayag kon unsaon sa pagsaysay ang kahikayan sa donasyon ngadto sa mga tagbalay. Ipasiugda nga bisan kon ang literatura giapod-apod nga walay tinong kantidad, apan kini migugol ug daghang salapi sa paggama ug pag-apod-apod. Ang maong paggamag literatura maoy bahin sa tibuok-kalibotang buluhaton ug busa kinahanglan kitang tanan modawat sa atong tagsatagsa ka responsabilidad sa pagsuportar niana nga kinasingkasing pinaagi sa atong mga amot.
Awit 56 ug paniklop nga pag-ampo.