Eskedyul sa Tigom sa Pag-alagad
Semana sa Enero 12
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Ginamit ang mga sugyot sa panid 4, ipasundayag kon sa unsang paagi itanyag ang Enero 15 nga Bantayanang Torre ug ang Enero 22 nga Pagmata! Sa matag pasundayag, kinahanglang itanyag ang duha ka magasin ingong paris, bisan tuod usa lang ang ipasiugda.
15 min: “Ang Pagkalabaw ug Bili sa Kaalam sa Diyos.”a Segun sa itugot sa panahon, dapita ang mamiminaw nga komentohan ang gisitar nga mga teksto.
20 min: Sa Unsang Paagi Imong Pilion ang Imong mga Pakig-ubanan? Panaghisgot sa mamiminaw nga gipasukad sa librong Simbaha ang Diyos, mga panid 47-9. Ginamit ang mga pangutana ug gisitar nga mga teksto diha sa parapo 13, dapita ang mamiminaw nga komentohan ang mga prinsipyo sa Bibliya nga angayng mogiya kanato sa pagpili sa atong mga pakig-ubanan.
Awit 186 ug paniklop nga pag-ampo.
Semana sa Enero 19
5 min: Lokal nga mga pahibalo.
10 min: Pakigpulong sa ansiyano nga magkobre sa materyal diha sa “Pangutana.”
15 min: Lokal nga mga panginahanglan.
15 min: “Sa Unsang Paagi Atong Matabangan ang Di-Saksing mga Kapikas?”b Interbiyoha ang usa o duha nga nahimong mga alagad ni Jehova tungod sa maayong panig-ingnan nga gipakita sa ilang kapikas nga midawat sa kamatuoran.
Awit 73 ug paniklop nga pag-ampo.
Semana sa Enero 26
12 min: Lokal nga mga pahibalo. Taho sa kuwenta. Pahinumdomi ang mga magmamantala sa paghatag sa ilang mga taho sa pag-alagad sa kanataran sa Enero. Ginamit ang mga sugyot sa panid 4, ipasundayag kon sa unsang paagi itanyag ang Pebrero 1 nga Bantayanang Torre ug ang Pebrero 8 nga Pagmata! Sa matag pasundayag, kinahanglang itanyag ang duha ka magasin ingong paris, bisan tuod usa lang ang ipasiugda. Sa usa sa mga presentasyon, ipasundayag kon sa unsang paagi imong ikatanyag ang mga magasin ngadto sa usa ka silingan.
15 min: Ipadapat ang Pulong sa Diyos Diha sa Imong Kinabuhi Matag Adlaw. Pakigpulong ug panaghisgot sa mamiminaw. Dasiga ang tanan nga gamiton gayod ang Pagsusi sa Kasulatan sa Adlaw-Adlaw—2004. Hisgoti ang mga komento sa pasiuna, mga panid 3-4. Pangutan-a ang mamiminaw kon unsang panahona ang ilang nakaplagan nga labing maayong hisgotan ang inadlawng teksto. Hisgoti ang teksto ug mga komento sa maong adlaw uban sa kongregasyon. Dapita ang mamiminaw sa pagkomento kon sa unsang paagi kita makahimog praktikal nga kapadapatan sa maong impormasyon. Dasiga ang tanan sa paggahin ug pipila ka gutlo sa pagpamalandong kon sa unsang paagi ilang mapadapat ang impormasyon sa dihang ilang hisgotan ang teksto matag adlaw.
18 min: Pag-ugmad ug Panaghigalaay Uban sa mga Isigkamagtutuo. (Prov. 18:24; 27:9) Pakigpulong ug panaghisgot sa mamiminaw nga gipasukad sa Disyembre 1, 2000, Bantayanang Torre, mga panid 22-3. Usa sa mga panalangin sa matuod nga pagsimba mao ang kahigayonan sa paghimog tinuod nga mga higala. Ang atong panag-ubanay diha sa mga tigom, pag-alagad sa kanataran, ug sa uban pang mga okasyon magtaganag dagayang tinubdan sa pagdasig. Sa unsang paagi atong maugmad ang panaghigalaay duyog sa uban diha sa kongregasyon? Repasoha ang kahong “Unom ka Paagi sa Pagbaton ug Malungtarong Panaghigalaay,” ug dapita ang mamiminaw nga komentohan kon sa unsang paagi ang matag punto mapadapat diha sa atong mga pakiglabot uban sa atong kaigsoonan.
Awit 177 ug paniklop nga pag-ampo.
Semana sa Pebrero 2
10 min: Lokal nga mga pahibalo. Isulti ang tanyag nga literatura sa Pebrero. Repasoha ang mga presentasyon sa pagtanyag sa Pakigsuod Kang Jehova diha sa Mayo 2003 nga Atong Ministeryo sa Gingharian, panid 7.
20 min: “Pagbantay Pag-ayo sa Imong Paggamit sa Panahon.”c Dapita ang mamiminaw sa pagkomento kon unsay ilang mahimo aron ang di-hinungdanong mga kalihokan dili makabalda sa espirituwal nga pangagpas.
15 min: Sundoga si Pablo Sama sa Iyang Pagsundog Kang Kristo. (1 Cor. 11:1) Panaghisgot sa mamiminaw. Sama kang Jesus, gipahimuslan ni Pablo ang mga kahigayonan sa pagpamatuod “ngadto kanilang atua didto.” (Buh. 17:17) Unsang mga kahigayonan ang mabatonan sa paghimo niini diha sa atong teritoryo? Kinsa ang “atua didto” sa dihang kita mamalit, motrabaho o moeskuyla, o mosakay sa publikong sakyanan? Kinsa kaha ang atong mahibalag kon kita anaa ra sa balay? Dapita ang mamiminaw sa pag-asoy ug mga kasinatian nga ilang nabatonan sa pagsangyaw sa mga tawo nga ilang nahibalag panahon sa adlaw-adlaw nga mga kalihokan.
Awit 151 ug paniklop nga pag-ampo.
[Mga footnote]
a Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
b Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.
c Limitahe ang pasiunang mga komento nga kubos sa usa ka minuto, ug sundan sa pangutanag-tubag nga panaghisgot.