MALBA

[Heb., ʼo·rothʹ o ʼoh·rothʹ].

Ang mubo nga malba maoy usa ka tanom nga mokatay nga ang mga dahon linginon, nagtunggoy, giringgiringon ug taas ang lindog. Ang mga bulak niini maoy kapin sa 1 sm (0.5 pul.) ang gilapdon ug nagkalainlain ang kolor gikan sa pughawon-asul hangtod sa puti. Ang lagpad ug linginon, hagkot nga mga bunga kasagarang gitawag ug mga keso.

Ang “malba” maoy hubad sa Hebreohanong pulong nga ʼo·rothʹ (2Ha 4:39; Isa 26:19), nga giisip nga maoy plural sa ʼoh·rahʹ, “kahayag.” (Est 8:16; Sal 139:12) Sumala sa Lexicon in Veteris Testamenti Libros ni L. Koehler ug W. Baumgartner (Leiden, 1958, p. 90), ang ʼo·rothʹ nagtumong sa mubo nga malba (Malva rotundifolia). Kini gipasukad sa kamatuoran nga kining tanoma sensitibo kaayo sa kahayag, busa tingali ang Hebreohanong ngalan nagkahulogang “[mga hilba sa] kahayag.” Dugang pa, ang mga bunga niini makaon, busa nahiuyon sa 2 Hari 4:39.​—HULAGWAY, Tomo 1, p. 543.