Oupwe Tongei Pwiimi Kewe Chón Lúkú
Ewe kapas mi pin lón ei itelap a mak arapakkan ruu ngeréú ier a ló. (1 Pet. 2:17) Nge iei ewe fansoun sipwe fókkun lefareni ekkeei kapas lap seni lóóm! Ifa usun sipwe tongeni tongei och mettóch usun ei mwichemmóngun pwipwi wóón unusen fénúfan? Nge lón ei fénúfan ese wor tong lón, met sipwe féri pwe ach tong esap fókkun patapateló? (Mat. 24:12) Ppii ika en mi tongeni pélúweni ekkeei kapas eis atun ka katol ei video Our Whole Association of Brothers.
(1) Ineet atun sia wesewesen wiliti chón ach we mwicheichen pwipwiin Chón Kraist? (2) Ikkefa ekkewe úlúngát angang kich ewe mwicheichen pwipwi wóón unusen fénúfan si(3) Ifa usun pwiich kewe ra pwáraaló ar úppos le afalafal (a) lón ewe fénúpéénún Alaska, (b) wóón ekkewe oroor watte lón Iurop me (c) lein ekkewe chómmóngun irálap lón Peru? (4) Pwata sisap meefi pwe ewe angangen afalafal usun eú angang ese kon lamot? (5) Áweweei ifa usun Chón Pwáraatá Jiowa ra oururufengeniir me álisifengeniir (a) mwirin eú chchechin fénú, (b) mwirin eú taifun, me (c) atun maun? (6) Ifa usun oukich meinisin mi tongeni pwáraatá pwe a nóm rech ewe esissil mi kon aúchea fán iten ewe mwicheichen pwipwiin Chón Kraist? (Joh. 13:35) (7) Ikkefa feiéchún ach angangfengen le aúetá pwisin ach Leenien Mwich? (8) Ifa usun pwiich kewe lón Étiwen Iurop me Russia rese apwangapwangoló lón ar riri ngeni Kot lupwen a pinepin ewe angangen afalafal? (9) Ifa úkúkún watteen ewe sókkun achocho chómmóng Chón Pwáraatá ra féri pwe repwe fiti ekkewe mwichelap? Pwata ra féri ena? (10) Ifa usun ei video a álisuk pwe kopwe úppos (a) le fel ngeni Jiowa fán tipeeú me pwiich kewe lón án Chón Kraist kewe mwich, (b) le álisi ekkewe ekkóch lón fansoun weires me (c) le akkafalafal ese lifilifil ineet atun me lón met sókkun napanapan ka tongeni? (11) Ifa usun me ineet atun sia tongeni néúnéú ei video lón ewe angangen afalafal?
Ach tong ngeni Jiowa ina ewe populapen ach chóni ei mwicheichen pwipwiin Chón Kraist. Iwe sia efich le káé usun i me asukula ekkewe ekkóch usun i. Pwal eú sia tongei ekkewe aramas Jiowa a tongei. Atun sia álisiir lón fansoun weires, sisap ekieki pwe Kot epwe kilisou ngenikich. Nge sipwe fen kilisou ngeni Kot pún ach we mwicheichen pwipwiin Chón Kraist liffangach me ren. Atun a kakkanoto muchulóón ránin ei ótót ese wor tong lón, amwo sipwe sópweló le pwáraatá tong fán iten unusen ewe mwicheichen pwipwiin chón lúkú!