Minen Ächechchemen ewe Fääf

Ewe Ächechchem lon ei ier epwe fis lon Särinfel, April 2. Ekkewe elter repwe tümünüöchü ekkeei mettoch.

◼ Lupwen oua filatä külökün ewe mwich, tümünüöchü pwe ewe pilawa me wain resap einetfetäl tori mwirin tuputiuen ewe akkar.

◼ Emön me emön, pachelong ewe chon afalafal repwe silei ewe külökün poputä me ian epwe fis ie ewe ächechchem.

◼ Ewe sokkun pilawa me wain mi fich ngeni ei Fääf repwe mmolnetä.—Nengeni Ewe Leenien Mas, minen February 1, 2003, pekin taropwe 22-23.

◼ Ekkewe peleich, kap kinaas, me eü chepel mi mürinnö, fiti chechchän repwe nom lon ewe leenien mwich me mmolnetä me mwen epwe poputä ewe mwich.

◼ Ewe Kingdom Hall are pwal ekkoch leenien ewe Fääf repwe unusen limöch me mwen ewe fansoun.

◼ Chon älillis me chon keit ewe pilawa me wain repwe finitä me repwe silei wiser kewe me mwan, ewe kokkot repwe fiti, me lamoten limöchun föüter kewe repwe pwärata suföl.

◼ Akkota ifa ussun ekkewe mi kepit repwe angei ewe pilawa me wain ika rese tongeni fiti ewe mwich pokiten ar apwangapwang.

◼ Lupwen a lap seni eü mwichefel repwe äeä ewe eü chök leenien mwich, iwe, epwe wor kokkotöch lefiler pwe esap wor osukosuken ewe leenien tolong me ekkewe leenien inen chitosa me leenien fetalin aramas.