Minen Ächechchemen ewe Fääf

Ekkewe elter repwe tümünüöchü ekkeei mettoch fän iten ammolnatään ewe Ächechchem:

◼ Tümünüöchü pwe epwe assaü ewe pilawa me wain mwirin tuputiuen ewe akkar.

◼ Ewe sokkun pilawa me wain mi fich ngeni ei Fääf repwe mmolnetä.—Nengeni Ewe Leenien Mas, minen February 1, 2003, pekin taropwe 22-23.

◼ Ekkewe peleich, kap kinaas, me eü chepel mi mürinnö, fiti chechchan repwe nom lon ewe leenien mwich me mmolnetä me mwen epwe poputä ewe mwich.

◼ Ewe Kingdom Hall are pwal ekkoch leenien ewe Fääf repwe unusen limöch me mwen ewe fansoun.

◼ Chon älillis me chon assaüwa ewe pilawa me wain repwe filitä me repwe silei wiser kewe me mwan, ewe kokkot repwe fiti, me lamoten limöchün föüter kewe pwe repwe pwäratä süföl.

◼ Akkota ifa ussun ekkewe mi kepit repwe angei ewe pilawa me wain ika rese tongeni fiti ewe mwich pokiten ar apwangapwang.

◼ Lupwen a lap seni eü mwichefel repwe äeä ewe eü chök leenien mwich, iwe, epwe wor kokkotöch lefiler pwe esap wor osukosuken ewe leenien tolong me ekkewe leenien inen chitosa me leenien fetälin aramas.

◼ Ika epwe fis ewe Fääf lon pwal eü leeni, piiöchü pwe epwe wor microphone pwe ekkewe chon fiti repwe tongeni rongorong ewe chon afalafal.