Sipwe Alapalo Ach Angangen Afalafal Atun ewe Ächechchem!
1. Pwata sipwe alapalo ach afalafal fän March, April, me May?
1 Ka tongeni alapalo om angangen afalafal fän March, April, me May, mwen me mwirin ewe ächechchem? Epwe räniöch me pwinimmang lon chommong leeni. Ekkoch chon afalafal repwe tongeni äeä ar fansoun le afalafal atun repwe asösö seni ar angang are sukul. Lon April 2, sipwe poputä le etiwa aramas ar repwe fiti ewe Ächechchem lon April 17. Mwirin, sipwe achocho le älisi chokkewe mi fiti ewe Ächechchem me etiwer ngeni ewe afalafal epwe fis lon ewe wiiken April 25. Enlet, a wor chommong popun sipwe alapalo ach angangen afalafal fän March, April me May.
2. Ifa usun sipwe tongeni alapalo ach afalafal?
2 Auxiliary Pioneer: Sipwe tongeni alapalo ach afalafal ren ach auxiliary pioneer. Pokiten kich meinisin sia tawengaw, a lamot sipwe akkota me mwan me siwili ach schedule. (SalF. 21:5) Neman ka tongeni öüralo met ese kon lamot om kopwe föri. (Fil. 1:9-11) Pwata kese fos ngeni ekkewe ekkoch usun om mochen auxilary pioneer me ppii ika ra tongeni fituk?
3. Ifa usun ekkewe famili ra tongeni alapalo ar angangen afalafal?
3 Atun ämi Famili Fel, epwe öch ika oupwe pwoppworaus usun met oua mochen achocho ngeni. (SalF. 15:22) Ika oua älillisfengen, iwe, eli ekkoch chon ewe famili ra tongeni auxiliary pioneer eü are lap seni eü maram. Nge ika esap tufich, met oupwe tongeni föri? Ewe famili a chüen tongeni akkota pwe repwe alapalo ar angangen afalafal ren ar afalafal lekuniol are attamaalo ar afalafal lon wiikend.
4. Ikkefa ekkewe feiöch kopwe küna seni om alapalo om angangen afalafal lon ei fansoun Ächechchem?
4 Jiowa a silei minne sia föri lon ach angang ngeni me a aücheani ach pennüküolo pwisin mochenich. (Ipru 6:10) Pwapwa a popu seni ach fangafangöch ngeni Jiowa me aramas. (1 Kron. 29:9; Fof. 20:35) Ka tongeni alapalo om angangen afalafal atun ei Ächechchem me kini watteen pwapwa me feiöch seni?