Ka Tongeni Ápéchékkúla Emén Ese Chúen Akkapwénúetá Wisan Wisen Emén Chón Kraist

Iteiten ier, chómmóng rese chúen akkapwénúetá wiser wisen emén Chón Kraist ra fiti ewe Áchechchem. Ra poputá le ssá lón ewe kitirin manaw nge mwirin ra fen soro ren sókkopaten popun. Ewe brochure Liwiniti Jiowa a pwóróus usun ekkóch me lein ekkena popun. (Ip 12:1) Iwe nge, iir mi chúen aúchea me ren Jiowa, pún a wisen mééniir ren chchaan Néún we. (Föf 20:28; 1Pe 1:18, 19) Ifa usun sia tongeni álisiir le liwiniti ewe mwichefel?

Ekkewe mwán mi ásimaw lón mwichefel ra kútta me álisi ekkewe rese chúen akkapwénúetá wiser wisen emén Chón Kraist, usun chék án chón mas tinikken le kútta emén siip mi mwálecheló. (Luk 15:4-7) Ena féffér a pwári án Jiowa túmún mi fiti tong. (Jer 23:3, 4) Oukich meinisin sia tongeni apéchékkúler nge esap chék ekkewe mwán mi ásimaw. Ach achocho le pwári kirekiréch me tong ngeniir, a apwapwaai Jiowa me a tongeni efeiéchúkich. (SF 19:17; Föf 20:35) Ina minne, ekieki ika ié kewe ka tongeni ápéchékkúla, me mwittir le féri!

KATOL EWE VIDEO ENCOURAGE THE INACTIVE ONES, ME MWIRIN PÉLÚWENI EKKEEI KAPAS EIS:

• Met Abbey a pwisin meefatá an epwe féri atun a kúna emén Chón Pwáraatá ese sissilei?

• Pwata a lamot ach sipwe fós ngeni ekkewe mwán mi ásimaw ika sia ekiekin álisi emén ese chúen akkapwénúetá wisan wisen emén Chón Kraist?

• Met Abbey a féri fán iten an ammólnatá le chuursefáli Laura?

• Ifa usun Abbey a pwári án tinikken, mosonottam me tong atun a achocho le ápéchékkúla Laura?

• Met sia tongeni káé seni án Jesus kapas áwewe mi nóm lón Lukas 15:8-10?

• Ikkefa ekkewe feiéch mi feito seni ar achochofengen le álisi Laura?