Met Ka Tongeni Káé Seni Ekkewe Original Song?

Ikkefa ekkóch me lein ekkewe original song ka kon sani? Pwata ka sani? Ka ekieki pwe masouen ekkewe video ra weneiti manawach iteiten rán? Pokiten a sókkopat itelaper me stylin nikáttikiir, iwe a wor fán itach meinisin. Iwe nge, ekkewe original song video me nikáttik rese chék kawor fán iten ach minen apwapwa.

Eché me eché ekkena kél ra awora lesen sia tongeni apwénúetá lón manawach Chón Kraist me ach angangen afalafal. Ekkóch ekkewe kél ra menlapei usun awasélaéch, tipeeú, chiechi, pwora, tong, are lúkú. Ekkóch ra weneiti án emén epwe liwiniti Jiowa, omusaaló tipis, akkamwéchú pwúngún enletin tuppwél iteiten rán, me án emén alapaaló an angang ngeni Jiowa. A pwal mwo nge wor original song usun án emén epwe itepék me rúúepek lón néúnéún cell phone. Ikkefa ekkóch álillis ka kúna seni ekkewe original song?

KATOL EWE ORIGINAL SONG VIDEO JUST AROUND THE CORNER, MWIRIN PÉLÚWENI EKKEEI KAPAS EIS:

• Ikkefa ekkewe feiéch lón mwachkkan ewe pean pwúpwúlú chinnap ra ekieki usun?​—Ken 12:3

• Ifa usun sia tongeni apéchékkúla ach lúkú án Jiowa tufichin apwénúetá an kewe pwon?

• Ié kewe repwele chufengensefál ekiseló chék?

• Ifa usun ewe ápilúkúlúk fán iten ewe Mwú epwe álisikich le likiitú ngeni ekkewe weires sia kúkkúna iei?​—Ro 8:25