Kopwele Wes?

Lón ewe angangen afalafal, eérenien ekkóch chón afalafal pwe repwe wes lón eú atun, áwewe chék ren leolowas. Pwúngún, eli pokiten nónnómun ekkóch, iwe a lamot ar repwe wes le afalafal lón eú atun. Nge itá kopwe wes le afalafal pokiten chék ina met ekkewe ekkóch ra féri lón óm we kúmi are pokiten ina eérenien lón leeniom na pwe iteiten ra kan wes lón eú atun? En mi tongeni sópweló le afalafal ren pwal fitu minich me eáni ekkewe ekkóch sókkun napanapen afalafal ngeni aramas, áwewe chék ren afalafal wóón al? Atun kopwele liwiniti imwom, en mi tongeni chuursefáli emén are fen rúúemén? Ekieki usun múrinnéén óm chuursefáli mwaren emén chék aramas lón imwan mi pwapwaiti le aúseling are ika ka anéúnéú ekkewe puk ngeni ekkewe ka chuuri wóón ewe al! Ika pwe ese wor popun sipwe wes le afalafal, iwe, ach sipwe pwal ekis sópweló, ina eú napanap mi ámecheresi lapólóón ach asoren “mwareiti.”—Ipru 13:15.