Néúnéúfichi Ekkewe Puk mi Lóngólóng Wóón Paipel

Jesus a era: “Oua angafatei, oupwe pwal fangafat.” (Mat 10:8) Sia álleasochisi ena emmwen mi ffatéch ren ach sise amémé ngeni aramas ewe Paipel me néúch kewe puk mi lóngólóng wóón ewe Paipel. (2Ko 2:17) Iwe nge, ekkeei puk ra masou ren ekkewe pwóróus mi enlet me aúchea seni án Kot we Kapas. A lamot angang weires me néúnéún watteen moni pwe ekkewe puk repwe peres me ttittiló ngeni ekkewe mwichefel wóón unusen fénúfan. Ina minne, sipwe fókkun chék angei met sia osupwangan.

Eáni mirit atun sia anéúnéú ngeni aramas néúch kewe puk, pwal mwo nge ikewe sia afalafal nge mi chómmóng aramas ie. (Mat 7:6) Sisap chék eineti néúch kewe puk ngeni aramas ese lifilifil nge sipwe achocho le fós ngeniir pwe sipwe silei ika ra pwapwaiti ewe pwóróus. Ka tongeni pélúweni ewer ngeni mwaren eú me lein ekkeei kapas eis lón ei pwóór? Nge ika kese tongeni silei meefien aramas, mi fen kon éch ika kopwe chék ngeni eché tract. Nge ren enletin, ika emén a tingor pwe epwe néúni eú magazine ika pwal eú puk, iwe sipwe pwapwa le anéúnéú ngeni.​—SF 3:27, 28.