Kuwahisa Uhashi Wetu wa Kwambujola—Kwambujola ku Telefone

MUMU LIAKA CHILI CHILEMU: Telefone, yili jila yipema ya “kushindakenya chikolo sango lipema.” (Yi 20:24)a Chino chakutukwasa kwambujola kuli atu muze kutushi ni uhashi wa kwameneka ku ma zuwo jo.

YIZE WATAMBA KULINGA:

• 

  Lilulieke. Sakula chikuma chalita. Hanyima, soneka yize unazange kumulweza. Muhasa kululieka nawa maliji akehe waze makukwasa kulumbununa chikuma chize wamusanyikina ku telefone. Muchilita kutwamina sali lia mesa, hakamwihi ni yuma yize mufupiwa, ngwe tablet hanji telefone yeka muze muli JW Library^® hanji jw.org^® ya washi.

• 

  Hwima Mbunge. Hanjika ngwe chize wakuhanjika. Seha, nawa lisunge ngwe unamumono. Kanda uhola chamuholela. Chili chipema kwambujola hamwe ni akwenu. Nyi mwenya zuwo mahula chimwe chihula, chifunyine ni liji mwilu hanga mukwenu yoze unambujola nenyi ahase kukukwasa kuwana kumbululo.

• 

  Hichika chimwe chikuma chize muchikukwasa kufuna ni kumumeneka. Nyi mutu mazanga kulilongesa, muhasa kumuhichikila chihula hanga ukachikumbulule muze mukamusanyika cheka. Muhasa kumutumina mukanda kupalikila ha telefone, hanji muhasa kumutwalilawo ku zuwo. Muhasa kumutumina chinema hanji Kaposhi wa Kutalila mu telefone. Nyi muchilita muhasa kulweza mutu chize akulinga Longeso lia Mbimbiliya Kupalikila ha Site Yetu hanji kumulweza yikuma yeswayo ha site.