Chize Muzachisa Yinema ya Longeso lia Mbimbiliya

Tuli ni yinema yiwana ya kusongwela nayo longeso lia Mbimbiliya yize twakuzachisa mu munda. Kuchi mutuhasa kuzachisa hita chinema?

• 

  Mumu Liaka Twatamba Kulilongesa Mbimbiliya?—Chinema Cheswe kachilingile hanga chikwase atu kuzanga Mbimbiliya, chipwe ngwe kali mu uwayilo weswawo. Chakukolweza atu awane makumbululo mu Mbimbililiya a yihula yilemu ya ku mwono ni kusolola sango jamwenemwene. Chakulumbununa chize atu mahasa kwita longeso lia Mbimbiliya.

• 

  Mumu Liaka Twatamba Kulilongesa Mbimbiliya? (chinema chikehe) chinema chino chikehe chinalifu ni chinema cheswe, alioze chili wika cha minutu yikehe. Chinema chino, chakukalakala kanawa ku yihela kuze atu keshi ni mashimbu anji a kuhanjika.

• 

  Kuchi Longeso lia Mbimbiliya Akulilinga? chinema chino, kachilingile hanga chikwase atu kuzanga longeso lia Mbimbiliya liawana ni kukumbulula yihula yize atu anji akuhula hakutwala ku Mbimbiliya, ni chize mahasa kwita longeso lia Mbimbiliya.

• 

  Tunakutambwisa ha Longeso lie Lia Mbimbiliya chinema chino, kachilingile hanga achisolwele Alongi a Mbimbiliya. Chipwe ngwe chinema chino chili ha lifwo liamuchiali lia mukanda Wahilila ku Mwono ku Miaka Yeswe!, nihindu mutuhasa kuchisolola nawa muze tunashimutwina kamukanda Wahilila ku Mwono ku Miaka Yeswe! Chinema chino chakusolola yize longi mahasa kuwana mu mukanda uno ni yize mahasa kulinga hanga alilongese kanawa.

Chipwe ngwe hita chinema chinatale ha chimwe chikuma, nihindu hita chinema mutuhasa kuchisolola hanji kuchituma kuli atu nyi muchilita. Tunakolweza akwa-kwambujola hanga anyingike ni kuzachisa kanawa hita chinema mu munda.