Miaso ya Wanangana Yakututakamisa

Paulu ni Saila kahalishile Zambi ni miaso muze te ali mu zuwo lia ususu. (Yili. 16:25) Ha mashimbu wano, mandumbu jetu anji waze apwile mu minda ya undungo ya Sachsenhausen mu Alemanha Nazista ni ku Siberia kapwile ni kwimba miaso ya Wanangana. Yilweza yino yinasolola ngwo, miaso yetu yakuhana tachi ni hamu kuli mandumbu jetu waze akupwa mu kapinda ha mukunda wa ufulielo wo.

Malimi anji mapwa ni mukanda waha wa miaso uli ni mutwe unambe ngwo, “Twimbilenu Yehova Ni Chiseke”. Muze mutupwa nawo, mutuhasa kusa tachi hanga tuunyingike kanawa, mutuhasa kuwimba ha mashimbu a uwayilo wa mu usoko. (Efwe. 5:19) Muze mukusoloka yipikalo, spiritu yisandu muyihasa kutukwasa kuyiwuluka. Miaso ya Wanangana muyihasa kutukwasa kuhulikila meso ha kutalatala chetu. Nawa muyihasa kutukwasa muze tunapalika mu yeseko. Mba muze mutwivwa kanawa, sona ja mwaso wacho mujitukwasa “kulikwiza ni liji lia uwahililo” ha mukunda wa upeme wa mbunge yetu. (1 Sango 15:16; Samu 33:1-3) Tunyingikenu kanawa miaso yetu ya Wanangana!

TALENU CHINEMA CHINAMBE NGWO, MWASO WA UTAKAMISO. MBA NUKUMBULULE YIHULA YILI MUSHI:

• Ha mashimbu aka Ndumbu Frost asonekene mwaso?

• Kuchi mwaso wacho wakwashile mandumbu mu munda wa undungo ku Sachsenhausen?

• Ha mashimbu aka miaso ya Wanangana muyihasa kukukolweza?

• Miaso ya Wanangana yingahi yize yena unazange kupachika mu mbunge?