Yika Mutuhasa Kulilongesa ha Miaso ya Broadcasting?

Miaso yika ya Broadcasting yize wa kuzanga? Nawa mumu liaka? Shina unanyingika ngwo yinema ya miaso yacho yakusolola yuma ya mwono wa hita tangwa? Tuli ni miaso yize atu eswe mazanga, yili ni mitwe yeka ni yeka nawa mu mitapu yalisa. Chipwe chocho, miaso yetu ya Broadcasting hi yiheho wika ko, alioze yakutulongesa yuma yinji.

Hita mwaso wa Broadcasting wakutwaha malongeso alemu waze mutuhasa kukaula ku mwono wetu ni mu mulimo wa kwambujola. Miaso yetu yimwe ya kuhanjikila ha kuzumbula ngeji, kulinunga, usepa, hamu, zango ni ufulielo. Yikwo yakukolweza kufuna kuli Yehova, kukonekena akwetu, kununga ni kushishika hita tangwa ni kutesa yuma ya ku spiritu. Kuli nawa mwaso uze unatukwase kupwa ni nyonga lialita hakutwala ku kuzachisa telefone. Yika nawa walilongesa ha miaso ya Broadcasting?

TALENU CHINEMA CHA MWASO, NGUNAYIMONO NI MESO, MBA NUSHIMUTWINE YIHULA YINO:

• Yiwape yika ya kulutwe lia matangwa yize anapukuna alunga ni pwo waze hashinakajiwa?—Upu 12:3

• Kuchi mutuhasa kukolesa ufulielo wetu ngwetu, Yehova makamanununa yilakenyo yenyi yeswe?

• Aya waze hikwasala hakehe hanga tuliwane no?

• Kuchi kutalatala cha Wanangana chakutukwasa kunyongonona muze tunapalika mu yipikalo?—Ro 8:25