Yize Muhasa Kulilongesa

Lilongese Miaso Yetu ni Kuyipachikila ku Mbunge

“Matangwa waze nakuhona utakamiso ni kunenganyana, Yehova kakungukwasa kupalikila mu miaso ya JW Broadcasting^®.”—Lorraine, EUA.

Chize kunyima, Akwa-Kristu kakuzachisa miaso hanga awayile Yehova. (Kolo. 3:16) Nyi walilongesa kwimba miaso yetu, muyikukwasa chipwe muze muhona mukanda wa miaso hanji muze muhona telefone. Eseka kukaula yikuma yino hanga upachikile miaso yetu mu mbunge.

• Nyingika kanawa ulumbunwiso wa maliji a miaso. Muchipwa chashi kwiwuluka chimwe chuma nyi unanyingika kanawa sango ja chuma chacho. Maliji a miaso yetu yeswe kali ha jw.org, kuchingako yinema ya miaso ni miaso ya twanuke. Yako ha chikuma Ulukikiso, mba mupola ha chikuma Miaso.

• Soneka ku moko maliji a miaso. Kulinga chino, muchikukwasa kupachikila maliji a miaso mu mbunge ye.—Shimbi 17:18.

• Emba-mba miaso ni liji mwilu. Tanga ni kwimba miaso ha yisuho yinji.

• Eseka kwimba mwaso hanga umone nyi waupachikila ku mbunge. Eseka kwiwuluka maliji a mwaso chakuhona kwatala mu mukanda, mba hanyima utale nyi wemba kanawa.