MWONO WA AKWA-KRISTU
Limone Ngwe Chize Yehova Akukumona
“Yehova kakuwahilila ni atu jenyi.” (Samu 149:4) Chipwe ngwe tuli yihenge, iye kakumona yitanga yetu yipema hamwe ni utotombo wetu. Ha mashimbu amwe, mutuhasa kunyonga ngwe chili chikalu kupwa ni nyonga lialita hali yetwene. Mutuhasa kunyonga ngwe kutushi ulemu mumu lia chize akwetu akutumona. Hanji nyi twalihulikila ha uhenge uze twalingile kunyima, mutuhasa kukakajana nyi chamwenemwene lume Yehova kakutuzanga. Nyi tunapalika mu yuma yino, yika muyihasa kutukwasa kukumba manyonga wano?
Yiwuluka ngwe, Yehova keshi kumona ngwe chize atu akumona. (1Sa 16:7) Chino chinalumbunuka ngwo, iye kakumona yuma hali yetu yize yetwene kutushi kumona. Chili utakamiso kunyingika ngwo, muze tunatange Mbimbiliya mutuhasa kulimona ngwe chize Yehova akutumona. Muze twakutanga yisoneko ni sango ja mu Mbimbiliya, twakuhasa kumona ngwo Yehova kakuzanga chinji tuvumbi twenyi.
SOLOLA CHINEMA, PWAKO NI SHINDAKENYO MU MBUNGE YE, MBA NUKUMBULULE YIHULA YINO:
Yika chilweza cha mukweze mukwa-kuzomboka ni cha tato chinatulongesa ha chize Yehova akutumona?
Nyi umwe mutu malinga shili yinene alioze masa tachi hanga apwe cheka ni usepa upema ni Yehova, yika muyimukwasa kuhumikiza mbunge yenyi muli Zambi?—1Yo 3:19, 20
Kuchi ndumbu ayukile ha kutanga ni kupukuna sango ja mu Mbimbiliya hakutwala kuli Ndawichi ni Yehosofate?