وانە‌ی: ١٣
هە‌واڵی خۆش سە‌بارە‌ت بە ئایینە‌کان چییە؟
١. ئایا هە‌موو ئایینە‌کان باشن؟
لە هە‌موو ئایینە‌کاندا خە‌ڵکی باش هە‌یە. ئەوە هە‌واڵیکی خۆشە کە خودا ئە‌و خە‌ڵکانە دە‌بینێ و بایە‌خیان پێدە‌دا. بە‌ڵام بە‌داخە‌وە خە‌ڵک ئایینیان بۆ بە‌دکاری بە‌کارهێناوە (٢ کۆرنسۆس ٤:٣، ٤؛ ١١:١٣-١٥). بە‌گوێرە‌ی ڕاپۆرتی هە‌واڵە‌کان، هە‌ندێ لە ئایینە‌کان تە‌نانە‌ت بە کاری تیرۆری وە‌ک کۆمە‌ڵکوژی، جە‌نگ‌و دە‌ستدرێژی کردنە سە‌ر منداڵان خە‌ریکن. ئە‌مە دڵی ئە‌و کە‌سانە ناخۆش دە‌کا کە باوە‌ڕیان بە خودا هە‌یە!—مە‌تتا ٢٤:٣-٥، ١١، ١٢ بخوێنە‌وە.
ئایینی ڕاستە‌قینە ستایشی خودا دە‌کا، بە‌ڵام ئایینی پوچە‌ڵ بێ ڕێزی بە‌خودا دە‌کا. ئایینی پوچە‌ڵ بیروبۆچوونێک فێردە‌کا کە لە پەرتووکی پیرۆزدا نییە وە‌ک فێرکاری ناڕاست سە‌بارە‌ت بە خودا و بە مردووان. بە‌ڵام یە‌هوە دە‌یە‌وێ خە‌ڵک ڕاستی سە‌بارە‌ت بە‌و بزانن.—حزقیال ١٨:٤؛ ١ تیمۆساوس ٢:٣-٥ بخوێنە‌وە.
٢. هە‌واڵی خۆش سە‌بارە‌ت بە ئایین چییە؟
بە‌دڵخۆشییە‌وە، خودا بە‌و ئایینانە فریونادرێ کە بە‌قسە دە‌ڵین خودایان خۆش دە‌وێ بە‌ڵام بە‌ڕاستی شە‌یدای جیهانی شە‌یتانن (یاقوب ٤:٤). وشە‌ی خودا تە‌واوی ئایینە پوچە‌ڵە‌کان بە بابلی گە‌ورە ناو دە‌با. بابل ئە‌و شارە کۆنە بوو کە ئایینی پوچە‌ڵ تێیدا سە‌ری هە‌ڵدا پاش ئە‌وە‌ی لافاوە‌کە‌ی نۆح ڕوویدا. بە‌مزووانە خودا بە‌یە‌کجاری کۆتایی بە ئایینی پوچە‌ڵ دە‌هێنێ کە خە‌ڵکی فریو دە‌دە‌ن و دە‌چە‌وسێننە‌وە.—ئاشکراکردن ١٧:١، ٢، ٥، ١٦، ١٧؛ ١٨:٨ بخوێنە‌وە.
هە‌واڵی خۆشی تریش هە‌یە. یە‌هوە ئە‌و خە‌ڵکە ڕاستودروستانە لە‌بیر ناکا کە لە سە‌رانسە‌ری جیهاندا لە ناو ئایینە پوچە‌ڵە‌کاندان. خودا بە‌هۆی فێرکردنی ڕاستی بە‌وان ئە‌و جۆرە خە‌ڵکانە لە یە‌کتر نزیک دە‌کاتە‌وە.—میخا ٤:٢، ٥ بخوێنە‌وە.
٣. خە‌ڵکی ڕاستودروست دە‌بێ چی بکە‌ن؟
ئایینی ڕاستە‌قینە خە‌ڵکی یە‌کگرتوو دە‌کا.
یە‌هوە بایە‌خ بە‌و کە‌سانە دە‌دات کە ڕاستی و چاکە‌یان خۆش دە‌وێ. ئە‌و هانیان دە‌دا واز لە ئایینی پوچە‌ڵ بهێنن. ئە‌و خە‌ڵکانە‌ی خودایان خۆش دە‌وێ ئامادە‌ن گۆڕانکاری بە‌سە‌ر خۆیان بهێنن تاکو دڵی خودا خۆش بکە‌ن.—ئاشکراکردن ١٨:٤ بخوێنە‌وە.
لە‌سە‌دە‌ی یە‌کە‌مدا کاتێک خە‌ڵکی ڕاستودروست هە‌واڵی خۆشیان لە نێردراوان بیست زۆر دڵخۆش بوون. ئە‌وان فێری ڕێبازێکی نوێی ژیان بوون، ڕێبازی ژیانێکی کامە‌ران تر و پڕ هیواو خاوە‌ن مە‌بە‌ست. ئە‌وان نموونە‌یە‌کی باشن بۆ ئێمە لە‌م ڕۆژگارە‌دا، چونکە ئە‌وان وە‌ڵامی هە‌واڵی خۆشیان دایە‌وە بە‌وە‌ی کە یە‌هوە‌یان لە پێش هە‌موو شتیکی ژیانیان دانا.—١ سالۆنیکی ١:٨، ٩؛ ٢:١٣ بخوێنە‌وە.
ئە‌و کە‌سانە‌ی واز لە ئایینی پوچە‌ڵ دە‌هێنن یە‌هوە بە‌خێرهاتنیان دە‌کا بۆ ناو بنە‌ماڵە‌ی خوداپە‌رستانی خۆی. ئە‌گە‌ر تۆ بانگە‌شە گە‌رموگوڕە‌کە‌ی یە‌هوە‌ت قە‌بوڵە، ئە‌وا تۆ دە‌بی بە دۆستێکی ئە‌و و هە‌روە‌ها بنە‌ماڵە‌یە‌کی نوێ و خۆشە‌ویست لە هاوباوە‌ڕانی خوداپە‌رستانی یە‌هوە بە‌دە‌ست دە‌هێنی لە‌گە‌ڵ ژیانی هە‌میشە‌یی.—مە‌رقۆس ١٠:٢٩، ٣٠؛ ٢ کۆرنسۆس ٦:١٧، ١٨ بخوێنە‌وە.
٤. چۆن خودا خۆشی و شادی بۆ هە‌موو شوێنێک دە‌هێنێ؟
سزادانی ئایینی پوچە‌ڵ لە ئاییندە‌دا هە‌واڵێکی خۆشە. لە‌سە‌رانسە‌ری جیهاندا خە‌ڵک لە چە‌وساندنە‌وە ڕزگار دە‌بن. هە‌رگیز جارێکی تر ئایینی پوچە‌ڵ خە‌ڵکی فریو ناداو مرۆڤایە‌تی لە‌یە‌ک دانابڕێ. هە‌موو ئە‌وانە‌ی دە‌ژین بە‌یە‌کگرتووی تە‌نها خودای ڕاستە‌قینە دە‌پە‌رستن.—ئاشکراکردن ١٨:٢٠، ٢١؛ ٢١:٣، ٤ بخوێنە‌وە.