وانە‌ی ٥٥
پشتیوانی و پشتگیری لە کۆمە‌ڵە‌کتان بکە‌ن
ملیۆنە‌ها کە‌س لە سە‌رانسە‌ری جیهاندا بە خۆشییە‌وە یە‌هوە لە هە‌زاران کۆبوونە‌وە‌دا دە‌پە‌رستن. ئە‌وان بۆ ئە‌و ڕێنماییانە‌ی کە لە کۆبوونە‌وە‌کاندا وە‌ریدە‌گرن، سوپاسگوزارن و بە ئارە‌زووی خۆیان بە شێوازی جۆراوجۆر پشتگیری کۆبوونە‌وە‌کە‌یان دە‌کە‌ن. ئایا تۆش بە‌م شێوە‌یە سە‌بارە‌ت بە کۆبوونە‌وە‌کە‌ت هە‌ست دە‌کە‌یت؟
١. چۆن دە‌توانین کات و هێزمان بۆ پشتگیری کردن لە کۆمە‌ڵە‌کە بە‌کار بهێنین؟
هە‌موومان دە‌توانین بۆ پشتگیری کردن لە کۆمە‌ڵ شتێک بکە‌ین. ئە‌گە‌ر هە‌ندێک کە‌س لە کۆمە‌ڵە‌کە‌تان بە‌ساڵاچوو یان لاواز بن، لە‌وانە‌یە بتوانن لە هاتۆوچۆکردن بۆ کۆبوونە‌وە‌کان یان بە ڕێگە‌ی تر، وە‌ک بازاڕکردن بۆیان یان ئە‌نجامدانی کارە‌کانی ماڵیان یارمە‌تیان بدە‌ن. (یاقوب ١:٢٧ بخوێنە‌وە.) هە‌روە‌ها دە‌توانین خۆبە‌خشانە بۆ یارمە‌تیدان لە پاککردنە‌وە و پاراستنی هۆڵی پاشایە‌تیمان کار بکە‌ین. بێگومان هیچ کە‌سێک ناچارمان ناکات ئەم کارانە بکە‌ین، بە‌ڵام خۆشە‌ویستیمان بۆ خودا و هاوباوە‌ڕە‌کانمان وامان لێدە‌کات کە بە «خۆبە‌خشانە خۆمان پێشکە‌ش بکە‌ین».—زە‌بوورە‌کان ١١٠:٣.
ئە‌وانە‌ی کە لە ئاو هە‌ڵکێشراون دە‌توانن بە شێوازی تر پشتگیری کۆبوونە‌وە‌کە‌یان بکە‌ن. برایانی شایستە لە ڕوانگە‌ی ڕۆحییە‌وە دە‌توانن وە‌ک خزمە‌تکار یان پیری کۆمە‌ڵ خزمە‌ت بکە‌ن. شاهیدانی یە‌هوە هە‌روە‌ها دە‌توانن وە‌ک پێشە‌نگ پشتگیری لە کاری مزگێنیدان بکە‌ن. هە‌روە‌ها هە‌ندێکیان دە‌توانن لە دروستکردنی شوێنی پە‌رستن یارمە‌تیدە‌ر بن یان بڕۆن بۆ خزمە‌تکردن لە ناوچە‌یە‌ک کە کۆبوونە‌وە‌یە‌ک لە ڕێگە‌ی ترە‌وە پێویستی بە یارمە‌تی هە‌یە.
٢. چۆن دە‌توانین لە ڕووی داراییە‌وە پشتگیری لە کۆمە‌ل بکە‌ین؟
ئێمە دە‌توانین «بە داراییە‌کانمان ڕێزی یە‌هوە بگرین.» (پە‌ندە‌کانی سلێمان ٣:٩) ئێمە شانازی دە‌کە‌ین کە پارە و داراییە‌کانمان بۆ پشتگیریکردن لە کۆبوونە‌وە یان کاری مزگێنیدان لە سە‌رانسە‌ری جیهاندا بە‌کار دە‌هێنین. (٢ کۆرنسۆس ٩:٧ بخوێنە‌وە.) هە‌روە‌ها بە‌خشینە‌کانمان بۆ کاری فریاگوزاری لە کارە‌ساتە‌کان بە‌کاردە‌هێنرێت. زۆر کە‌س بڕیاریان داوە هە‌فتانە یان مانگانە ‹بڕە پارە‌یە‌ک بۆ بە‌خشین تە‌رخان بکە‌ن.› (١ کۆرنسۆس ١٦:٢ بخوێنە‌وە.) ئێمە دە‌توانین بە‌خشینە‌کانمان لە سندوقی پارە بە‌خشین لە شوێنە‌کانی پە‌رستنمان دابنێین یان بە شێوە‌ی ئۆنلاین لە donate.jw.org پارە بدە‌ین. یە‌هوە دە‌رفە‌تی پێداوین کە بە بە‌کارهێنانی داراییە‌کانمان نیشانی بدە‌ین کە خۆشمان دە‌وێت.
زیاتر بزانە
لە‌م وانە‌یە‌دا، دە‌بینین کە چۆن دە‌توانین پشتگیری و پشتیوانی لە کۆبوونە‌وە‌کە‌مان بکە‌ین.
٣. ئێمە دە‌توانین لە داراییە‌کانی خۆمان ببە‌خشین
یە‌هوە و عیسا خە‌ڵکانی بە‌خشندە‌یان خۆشدە‌وێت. بۆ نموونە، لە سە‌ردە‌می عیسادا، بێوە‌ژنێکی هە‌ژار هە‌بوو کە پارە‌ی زۆری نە‌بوو، بە‌ڵام بڕە پارە‌یە‌کی بۆ پشتگیری کردن لە پە‌رستگای یە‌هوە، بە‌خشی و عیسا دە‌ستخۆشی لێ کرد. لۆقا ٢١:١-٤ بخوێنە‌وە و دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن:
ئایا پێویستە بڕێکی زۆر پارە ببە‌خشین بۆ ئە‌وە‌ی یە‌هوە دڵخۆش بکە‌ین؟
ئە‌گە‌ر لە قوڵایی دڵمانە‌وە پارە ببە‌خشین، هە‌ستی یە‌هوە و عیسا چۆن دە‌بێت؟
شاهیدانی یە‌هوە چۆن بە‌خشینە‌کان بە‌کار دە‌هێنن؟ ڤیدیۆکە بکە‌وە. و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن.
چۆن بە‌خشینە‌کان بۆ سوودگە‌یاندن بە کۆبوونە‌وە‌کان لە سە‌رانسە‌ری جیهان بە‌کار دە‌هێنرێن؟
٤. ئێمە دە‌توانین خۆبە‌خشانە یارمە‌تیدە‌ر بین
لە سە‌ردە‌می کۆندا، پە‌رستندە‌کانی یە‌هوە بە جۆش و خرۆشە‌وە شوێنە‌کانی پە‌رستنیان بۆ پاراستن چاک و ئاوە‌دان دە‌کردە‌وە. جگە لە یارمە‌تی دارایی، ئە‌وان کات و هێزی خۆیان بۆ پشتگیری کردن لە ئەم کارە بە‌کار دە‌هێنا. ٢ پوختە‌ی مێژوو ٣٤:٩-١١ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
چۆن ئیسرائیلییە‌کان بۆ پاراستنی شوێنی پە‌رستنی یە‌هوە یارمە‌تیدە‌ر بوون؟
ئە‌مڕۆش شاهیدانی یە‌هوە نموونە‌ی ئیسرائیلییە‌کانی کۆن دە‌گرنە‌بە‌ر. ڤیدیۆکە بکە‌وە. دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن.
بۆچی گرنگە بە باشی ئاگاداری پاک و خاوێنی شوێنی پە‌رستنە‌کانمان بین؟
بە چ شێوە‌یە‌ک دە‌توانیت یارمە‌تی بدە‌یت؟
٥. برایان دە‌توانن بۆ ئە‌وە‌ی بە‌رپرسیارێتی زیاتریان هە‌بێت، تێبکۆشن
پەرتووکی پیرۆز هانی پیاوانی مە‌سیحی دە‌دات بۆ ئە‌وە‌ی بە‌رپرسیارێتی زیاتریان هە‌بێت، بۆ پشتگیری لە کۆبوونە‌وە هە‌موو هە‌وڵێکی خۆیان بدە‌ن. ئە‌وان چۆن دە‌توانن ئەم کارە بکە‌ن؟ ڤیدۆکە بکە‌وە. دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن.
چۆن ڕایان هە‌وڵی دا بۆ پشتگیری لە کۆبوونە‌وە، بە‌رپرسیارێتی زیاتر وە‌ربگرێت؟
پەرتووکی پیرۆز ڕوونی دە‌کاتە‌وە کە برایان لە ڕوانگە‌ی ڕۆحییە‌وە دە‌بێ چ شایستە‌گیە‌کیان هە‌بێت بۆ ئە‌وە‌ی وە‌ک خزمە‌تکار یان پیری کۆمە‌ڵ خزمە‌ت بکە‌ن. ١ تیمۆساوس ٣:١-١٣ بخوێنە‌وە و دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن:
ئە‌گە‌ر برایە‌ک بیە‌وێت وە‌ک خزمە‌تکار یان پیری کۆمە‌ڵ خزمە‌ت بکات، دە‌بێت چ تایبە‌تمە‌ندی و بارودۆخێکی هە‌بێت؟
پێویستە ئە‌ندامانی خێزانە‌کە‌ی چ سیفە‌ت و بارودۆخێکیان هە‌بێت؟—ئاماژە بە ئایە‌تە‌کانی ٤ و ١١.
ئە‌گە‌ر برایان بۆ ئە‌وە‌ی بە‌رپرسیارێتی زیاتریان هە‌بێت، هە‌موو هە‌وڵێکی خۆیان بدە‌ن، ئە‌ندامانی کۆمە‌ڵ چ سوودێک وە‌ردە‌گرن؟
هە‌ندێک کە‌س دە‌ڵێن: «شاهیدانی یە‌هوە چۆن پارە‌ی چالاکییە‌کانیان دابین دە‌کە‌ن؟»
چۆن وە‌ڵام دە‌دە‌یتە‌وە؟
لە کۆتاییدا
دە‌توانین دارایی و کات و هێزی خۆمان بۆ پشتگیری لە کۆبوونە‌وە بە‌کار بهێنین. یە‌هوە هە‌وڵە‌کانمان زۆر بە‌رز دە‌نرخێنێت.
پێداچوونە‌وە
چۆن دە‌توانین کات و هێزی خۆمان بۆ پشتگیری لە کۆمە‌ڵ بە‌کار بهێنین؟
چۆن دە‌توانین دارایی خۆمان بۆ پشتگیری لە کۆمە‌ڵ بە‌کار بهێنین؟
حە‌ز دە‌کە‌یت بە چ شێوە‌یە‌ک پشتگیری لە کۆمە‌ڵ بکە‌یت؟
لێکۆڵینە‌وە‌ی زیاتر
بۆچی ئیتر یە‌هوە داوا لە پە‌رستندە‌کانی ناکات کە دە‌یە‌کی داراییان ببە‌خشن؟
«پەرتووکی پیرۆز دە‌ربارە‌ی یاسایی دە‌یە‌ک چی دە‌ڵێت؟» (گۆڤاری ماڵپە‌ڕ)
پەرتووکی پیرۆز هە‌ندێک ڕۆڵ بۆ پیاوانی لە ئاو هە‌ڵکێشراو دیاری دە‌کات. بە‌ڵام ئە‌ی ئە‌گە‌ر ژنێکی لە ئاو هە‌ڵکێشراو پێویست بێت ئەم ئە‌رکانە جێبە‌جێ بکات، چۆن؟
«تێگە‌یشتن لە بنە‌مای سە‌روە‌ر لە کۆمە‌ڵدا» (تاوە‌ری چاودێری، فە‌وریە ٢٠٢١)
شاهیدانی یە‌هوە لە کۆنگۆ چ قوربانییە‌ک دە‌دە‌ن بۆ دابە‌شکردنی بڵاوکراوە‌کان لە وڵاتە‌کە‌یان؟
بە چ شێوە‌یە‌ک دابینکردنی دارایی چالاکییە‌کانی ڕیکخراوە‌کە‌مان، جیاوازە لە ئایینە‌کانی تر؟
«چۆن پارە‌ی چالاکییە‌کانی ڕیکخراوە‌ی شاهیدانی یە‌هوە دابین دە‌کرێت؟» (گۆڤاری ماڵپە‌ڕ)