وانە‌ی ٥٦
پاراستنی یە‌کگرتوویی لە کۆمە‌ڵ
کاتێک لە‌گە‌ڵ هاوباوە‌ڕانمان دە‌بین، ڕە‌نگە ئێمە‌ش هە‌مان هە‌ستمان هە‌بێت وە‌ک داود کە وتی: «چە‌ند باشە و چە‌ند خۆشە بۆ براکان کە بە یە‌کگرتوویی پێکە‌وە نیشتە‌جێ بن!» (زە‌بوورە‌کان ١٣٣:١) یە‌کگرتوویی ئێمە بە ڕێکە‌وت دروست نابێت، بە‌ڵکو هە‌ر یە‌کێکمان دە‌بێت لە پاراستن و بە‌هێزکردندا ڕۆڵمان هە‌بێت.
١. تایبە‌تمە‌ندییە بێهاوتاکانی شاهیدانی یە‌هوە چین؟
ئە‌گە‌ر لە وڵاتی تر بە‌شداری کۆبوونە‌وە‌ی شاهیدانی یە‌هوە بکە‌یت، لە‌وانە‌یە لە زمانە‌کە‌یان تێنە‌گە‌یت، بە‌ڵام هە‌ست بە نامۆیی ناکە‌یت. بۆچی؟ چونکە ئێمە هە‌مان پەرتووکی پیرۆز و بڵاوکراوانە‌ی کە شاهیدانی یە‌هوە لە وڵاتانی تر، دە‌خوێنین، بە‌کار دە‌هێنن. هە‌وڵ دە‌دە‌ین یە‌کترمان خۆشبوێت، گرنگ نییە لە کۆی دە‌ژین، هە‌موومان «بە ناوی یە‌هوە دە‌پاڕێینە‌وە، تاکو بە یە‌کگرتوویی بیپە‌رستین.»—سە‌فە‌نیا ٣:٩.
٢. چۆن دە‌توانن لە کۆمە‌ڵ یە‌کگرتوویی پە‌رە پێبدە‌ن؟
پەرتووکی پیرۆز دە‌ڵێت: «بە هە‌موو دڵ و بە هە‌موو گیان یە‌کترتان خۆش بوێت.» (١ پە‌ترۆس ١:٢٢) چۆن دە‌توانین بە‌پێی ئەم ئایە‌تە ڕە‌فتار بکە‌ین؟ هە‌وڵبدە‌ن لە‌جیاتی تە‌رکیز کردن لە‌سە‌ر کە‌موکوڕییە‌کانی کە‌سانی تر، بە‌دوای تایبە‌تمە‌ندییە باشە‌کانیاندا بگە‌ڕێن. هە‌روە‌ها هە‌وڵ بدە‌ن لە‌گە‌ڵ هاوباوە‌ڕدارانتان پە‌یوە‌ندی بکە‌ن، کە کە‌سایە‌تی جیاوازیان هە‌یە، نە‌ک تە‌نها لە‌گە‌ڵ ئە‌و کە‌سانە کە وە‌ک تۆ بیردە‌کە‌نە‌وە. سە‌رە‌ڕای ئە‌وە‌ش، پێویستە هە‌وڵ بدە‌ین هە‌رگیز لە‌سە‌ر کە‌سانیتر حوکم نە‌دە‌ین و تە‌نانە‌ت لە دڵیشە‌وە لایە‌نگری کە‌س نە‌کە‌ین.—١ پە‌ترۆس ٢:١٧ بخوێنە‌وە.a
٣. کاتێک لە‌گە‌ڵ هاوڕێیە‌کی مە‌سیحی ناکۆکییە‌کتان هە‌یە، پێویستە چی بکە‌ن؟
ئێمە شاهیدانی یە‌هوە یە‌کگرتووین، بە‌ڵام ناتە‌واوین و هە‌ندێک جار یە‌کتر خە‌مبار و ئازار دە‌دە‌ین. کە‌واتە وشە‌ی خودا پێمان دە‌ڵێت: «بە‌ردە‌وام . . . لە یە‌کتری خۆشبوون» هە‌روە‌ها دە‌ڵێت: «هە‌روە‌ک یە‌هوە چۆن بە ئازادی لێتان خۆشبوو، ئێوە‌ش دە‌بێت هە‌مان شت بکە‌ن.» (کۆلۆسی ٣:١٣ بخوێنە‌وە.) بە دڵنیاییە‌وە هە‌موومان چە‌ندین جار یە‌هوە‌مان خە‌مبار کردووە، بە‌ڵام یە‌هوە هە‌موو جار لێمان خۆش بووە. بۆیە یە‌هوە چاوە‌ڕێی ئە‌وە‌مان لێ دە‌کات لە هاوباوە‌ڕە‌کانمان خۆش بین و ئە‌گە‌ر زانیمان ئازاری کە‌سێکمان داوە، باشترە بۆ چارە‌سە‌رکردنی کێشە‌کە دە‌ستپێشخە‌ری بکە‌ین.—مە‌تا ٥:٢٣، ٢٤ بخوێنە‌وە.b
زیاتر بزانە
لە‌م وانە‌یە‌دا دە‌بینین چۆن دە‌توانین ئاشتی و یە‌کگرتوویی کۆمە‌ڵ زیاد بکە‌ین.
بۆ ئە‌وە‌ی ئاشتی لە‌گە‌ڵ کە‌سانی تر دروست بکە‌یت، چی دە‌کە‌یت؟
٤. لە‌سە‌ر کە‌سانیتر حوکم نە‌دە‌ین و لایە‌نگری کە‌س نە‌کە‌ین
ئێمە دە‌مانە‌وێت هە‌موو برا و خوشکانمان خۆشبوێت، بە‌ڵام ڕە‌نگە بۆمان قورس بێت ئە‌و کە‌سانە کە ڕە‌گە‌ز یان پاشخانی جیاوازیان لە‌گە‌ڵ ئێمە هە‌یە، خۆشمان بوێت. لە‌م حاڵە‌تە‌دا چی دە‌توانێت یارمە‌تیدە‌رمان بێت؟ کردار ١٠:٣٤، ٣٥ بخوێنە‌وە و دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن:
یە‌هوە هە‌موو جۆرە خە‌ڵکێک وە‌ک شاهیدی خۆی قبوڵ دە‌کات. ئە‌مە چۆن کاریگە‌ری لە‌سە‌ر تێڕوانینیمان بۆ کە‌سانێک هە‌یە کە جیاوازن لە ئێمە؟
چ جۆرە لایە‌نگیریە‌ک باون لە‌و شوێنە‌ی کە تۆ دە‌ژیت، کە دە‌تە‌وێت لێی دوور بیت؟
٢ کۆرنسۆس ٦:١١-١٣ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
چۆن دە‌توانن لە برا و خوشکان کە ڕە‌گە‌ز و پاشخانی جیاوازیان هە‌یە، نزیک ببنە‌وە؟
٥. لە دڵە‌وە لە یە‌کتر خۆشبن و ئاشتی دروست بکە‌ن
ئێمە‌ی مرۆڤ پێویستە لە یە‌کتر خۆش بین، بە‌ڵام یە‌هوە وە‌ک ئێمە نییە کە پێویستی بە لێبوردن هە‌بێت. سە‌رە‌ڕای ئەوە یە‌هوە بە بە‌خشندە‌یی لێمان خۆش دە‌بێت. زە‌بوورە‌کان ٨٦:٥ بخوێنە‌وە و دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن:
یە‌هوە چە‌ندە بە‌خشندە‌یە؟
بۆچی تۆ بە شێوە‌یە‌کی تایبە‌ت لە بە‌خشندە‌یی یە‌هوە سوپاسگوزاری؟
لە چ بارودۆخێکدا ڕە‌نگە بە‌زە‌حمە‌ت لە‌گە‌ڵ کە‌سانی تر ڕێکبکە‌وین؟
چۆن دە‌توانین لە نموونە‌ی یە‌هوە فێربین و لە‌گە‌ڵ برا و خوشکان یە‌کگرتوویمان بپارێزین؟ پە‌ندە‌کانی سلێمان ١٩:١١ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
کاتێک کە‌سێک دڵتە‌نگ یان توڕە‌ت دە‌کات، چۆن دە‌توانیت کێشە‌کە چارە‌سە‌ر بکە‌یت؟
هە‌ندێک جار ئێمە خۆمان کە‌سانی تر دڵتە‌نگ دە‌کە‌ین، ئە‌و کاتە دە‌بێت چی بکە‌ین؟ ڤیدیۆکە بکە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن.
لە ڤیدیۆکە‌دا، خوشکە‌کە چۆن لە‌گە‌ڵ هاوباوە‌ڕە‌کە‌ی ئاشتی دروست کرد؟
٦. تایبە‌تمە‌ندییە باشە‌کانی براکان و خوشکان ببینن
لە‌گە‌ڵ نزیکبوونە‌وە‌ی برا و خوشکانمان و زیاتر ناسینی ئە‌وان، هە‌م تایبە‌تمە‌ندییە باشە‌کانیان و هە‌م خاڵە لاوازە‌کانیان دە‌بینین. بە‌ڵام چۆن دە‌توانین سە‌رنجمان لە‌سە‌ر تایبە‌تمە‌ندییە باشە‌کانیان هە‌بێت؟ ڤیدیۆکە بکە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن.
چی دە‌توانێت یارمە‌تیت بدات سە‌رنجت لە‌سە‌ر تایبە‌تمە‌ندییە باشە‌کانی برا و خوشکانت هە‌بێت؟
یە‌هوە سە‌رنج لە‌سە‌ر تایبە‌تمە‌ندییە باشە‌کانمان دە‌دات. بە‌شی یە‌کە‌می ٢ پوختە‌ی مێژوو ١٦:٩ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
زانینی ئە‌وە‌ی کە یە‌هوە لە‌سە‌ر تایبە‌تمە‌ندییە باشە‌کانت سە‌رنج دە‌دات، ئە‌مە چ هە‌ستێکە‌ت پێ دە‌دات؟
تە‌نانە‌ت ئە‌ڵماسێکی جوانیش کە‌موکوڕی هە‌یە، لە‌گە‌ڵ ئە‌وە‌شدا زۆر بە‌نرخە. بە هە‌مان شێوە هە‌موو برا و خوشکانمان ناتە‌واون، بە‌ڵام بە چاوی یە‌هوە زۆر گرانبە‌هان
هە‌ندێک کە‌س دە‌ڵێن: «ئە‌گە‌ر کە‌سێک دڵتە‌نگم بکات، سە‌رە‌تا دە‌بێت داوای لێبوردن بکات پێش ئە‌وە‌ی لێی خۆش بم.»
پێت وایە بۆچی پێویستە، بە جۆش و خرۆشە‌وە لە کە‌سانی تر خۆشبین؟
لە کۆتاییدا
دە‌توانن بە لێبوردن و نیشاندانی خۆشە‌ویستی بۆ هە‌موو برا و خوشکانتان، لە پاراستنی یە‌کگرتوویی لە کۆمە‌ڵدا یارمە‌تیدە‌ر بن.
پێداچوونە‌وە
بۆ دوورکە‌وتنە‌وە لە لایە‌نگیری، چی یارمە‌تیت دە‌دات؟
ئە‌گە‌ر ناکۆکیت لە‌گە‌ڵ هاوباوە‌ڕێکت هە‌بوو، پێویستە چی بکە‌یت؟
بۆچی گرنگە لە نموونە‌ی یە‌هوە بۆ بە‌خشینی کە‌سانی تر فێربین؟
لێکۆڵینە‌وە‌ی زیاتر
بزانن چۆن نموونە‌ی عیسا دە‌توانێت یارمە‌تیدە‌رمان بێت بۆ ئە‌وە‌ی حوکم لە‌سە‌ر کە‌سانی تر نە‌دە‌ین؟
ئە‌گە‌ر پێمان وایە هیچ هە‌ڵە‌یە‌کمان نە‌کردووە، ئایا پێویستە داوای لێبوردن بکە‌ین؟
«داوای لێبوردن—کلیلی ئاشتی و ئاشتە‌وایی» (تاوە‌ری چاودێری، ١ی نوامبە‌ری، ٢٠٠٢)
ببینین و فێربین کە چۆن بە‌رامبە‌ر بە کسانی تر بێلایانە ڕە‌فتار بکە‌ین؟
بیر لە‌و ڕێگایانە بکە‌نە‌وە کە بتوانن ناکۆکیە کە‌سییە‌کان چارە‌سە‌ر بکە‌ن، پێش ئە‌وە‌ی یە‌کگرتوویی کۆمە‌ڵ تێک بدە‌ن.
«ناکۆکیە‌کان بە خۆشە‌ویستی چارە‌سە‌ر بکە‌ن.» (تاوە‌ری چاودێری، مە‌ی ٢٠١٦)