Biahalnak Kuang

◼ Kan pekṭhenhmi hna cauk ah kan e-mail address kha ṭial awk a si maw?

Thawngthanhtu cheukhat nih pekṭhenh dingmi mekazin le weisa ah anmah pumpak e-mail address kha an ṭial asiloah ṭial ciami kha an benh. Cuticun cauk a co-hlangmi nih a konglam dang hngalh chap awkah thawngthanhtu he pehtlaihnak a tuah khawh. Annih nih tinhnak ṭha he hngalh duh-nak a ngeimi hna bawmh awkah cuticun an i zuam. Asinain mekazin le weisa ca-leng hna ah kan Web site kha kan ṭial cang. Cucaah kan cauk pawl ah pumpak e-mail address ṭial lo cu a ṭha bik a si.

Thawngthanhtu pakhat nih sang mi hna kha, a hlei in lennolh pawl kha amah he pehtlaihnak tuah awkah a dang catlap fate in a address a pek hna le pek hna lo cu amah tein biakhiahnak a tuah lai. Lungthomi hna nih a konglam hngalh chap awkah anmah nih pehtlaih-nak rak tuah nakcha cun kanmah nih thawk in an sin ah kan kal awk a si. Mi pa-khat he hmai tonh in bia i ruah tikah lungtak in sia-herhnak kan ngeih a langhter khawh deuh.