¿Tyitanyí játura tyataʼ naa taxɨewua títecheʼ teʼ naimi jaʼta ɨ tayauʼmua jamuan?

JEIʼTƗ TYIRAXA Ɨ BIBLIA

“¡Naapuʼ wuaáse ɨ meʼ ranamua Dioʼ nyuka maʼta meyen rɨkɨ!” (Lucas 11:28, Traducción del Nuevo Mundo.)

¿JEINÉ TYITABAƗRE TEʼ RAMUARE?

Teʼtyauni tɨ anpɨrɨkɨ teʼ taxɨebe (Efesios 5:28, 29).

Naatuʼ jatamuaraa tájun (Efesios 5:33).

Naatuʼ taxɨewua títeche tájun (Marcos 10:6-9).

¿NIRƗRIʼ TEʼ RANTSAWUATYEN Ɨ BIBLIA?

Jee, wuapuakaʼ tu seiʼran:

• Aɨpú Dioʼ ratyatawuaka tɨ tyata jaʼta ɨita muantyaunaxka. Ɨ Biblia yepu tyiraxa Jeobá Dioʼ aɨpú woutawuaka ɨ meʼ jamuakaikan tyaubitɨnémuara (Génesis 2:18-24). ¿Jeiné tɨí ruxɨebe teʼ ramuare aiʼna?

  Iʼna wuamuatsite: Tɨpuaʼ muee titɨ pekuaka tɨ naa jamen paʼta ramuarerimɨʼ titɨ meʼ raʼnaʼchi, ¿jataní puataíwuora? Ni pekainyeu ɨ jatɨ tɨ rautawuaka.

  Jayepuiʼ chataná, tɨpuaʼ peʼmuarerimɨ peʼ na tícheʼka seʼ naimi jaʼta ruyauʼmua jamuan ruxɨebe ikuʼ teʼ rataíwou ɨ Jeobá aɨtɨ ayen tyirataxaʼtaka meʼ tyaubitɨnen.

• Ɨ Dioʼ jeiwua puʼ tímuatse ɨ ta jemi. Aɨpuiʼ jɨnʼ naa tyajauʼrenineiʼ teʼ raawouni ɨ Biblia jetse jaiʼtɨ ɨ Jeobá títaitɨiʼ jeiʼte naa metiteʼten tayauʼmua jamuan, jeiné jeiwua puʼ ‘tímuatse jeiʼtɨ titarureʼ (1 Pedro 5:6, 7). Jeobá raxɨebe teʼ taxɨewua naa títecheʼka. Ɨ tɨ taitɨiʼ anaʼtɨna puʼ titebaɨri (Proverbios 3:5, 6; Isaías 48:17, 18).