Cʌntan bajcheʼ maʼ chaʼlen tʼan

Tsaʼ bʌ i mele Pablo

VIDEO: Pablo miʼ suben wen tʼan jiñi añoʼ bʌ ti Atenas

1. Qʼuele jiñi VIDEO o pejcan Hechos 17:22, 23. Cheʼ jiñi ñaʼtan ili cʼajtiya tac:

1. ¿Bajcheʼ yubil tsiʼ yubi Pablo cheʼ bʌ tsiʼ qʼuele chaʼan wen cabʌl melbil tac jach bʌ dios yaʼ ti Atenas? (Qʼuele Hechos 17:16).

2. ¿Bajcheʼ tsiʼ pʌsʌ Pablo chaʼan tsaʼʌch i cʌnta chuqui tsiʼ yʌlʌ cheʼ bʌ tiʼ sube wen tʼan jiñi yaʼ bʌ añob ti Atenas?

¿Chuqui mi laj cʌn tiʼ tojlel Pablo?

2. Mi mucʼʌch lac wen ñaʼtan chuqui mi caj la cʌl, bajcheʼ mi caj la cʌl yicʼot jala mi caj la cʌl, tajol mucʼʌch caj lac ñʌchʼtʌntel.

Lajin Pablo

3. Wen ñaʼtan chuqui mi caj a wʌl. Laʼcu lac ñaʼtan, cheʼ bʌ maʼ chaʼlen tʼan a wicʼot juntiquil mach bʌ yujilic chaʼan bʌ ñopbalʌl tac, tajol yambʌ bajcheʼ mi caj a taj ti tʼan jiñi Biblia o Jesús.

4. Mach a waʼ suben chaʼan mach weñic woli bʌ i yʌl. Acʼʌ chaʼan jiñi lac piʼʌl miʼ chaʼlen tʼan. I cheʼ bʌ an chuqui miʼ yʌl mach bʌ cheʼic bajcheʼ miʼ yʌl jiñi Biblia, mach a waʼ suben chaʼan mach weñic bajcheʼ jiñi (Sant. 1:19). Mi mucʼʌch a wen ñʌchʼtan mi caj a ñaʼtan chuqui miʼ ñop yicʼot chucoch (Pr. 20:5).

5. Cheʼ bʌ miʼ mejlel, suben chaʼan weñʌch muʼ bʌ i ñaʼtan yicʼot chaʼlen ti felicitar. Cʼajtesan chaʼan jiñi lac piʼʌl tajol miʼ ñaʼtan chaʼan i sujmʌch jiñi muʼ bʌ i ñop. Ñaxan qʼuele chuqui jiñi muʼ bʌ i mejlel laʼ comol al ti wen, i cheʼ jiñi cʼunteʼ cʼunteʼ maʼ coltan i chʼʌmben i sujm muʼ bʌ i yʌl jiñi Biblia.