Cheʼ bʌ mach lac lʌtʼʌx jiñi wocol mi la cubin

Jumpʼejl ejemplo, Sally,a chʼoyol bʌ ti Estados Unidos tiʼ sʌtʌ lʌcʼʌ tiʼ pejtelel i chubʌʼan tiʼ caj tsʌts bʌ icʼ jaʼal. Miʼ yʌl: «Mach c lʌtʼʌx tsaʼ c ñaʼta. Mach junyajlic jach tsaʼ cubi chaʼan maʼañix c pʼʌtʌlel».

Wen cʼuxʌch jaʼel cheʼ bʌ miʼ chʌmel (sajtel) juntiquil muʼ bʌ laj cʼuxbin. Janice, chʼoyol bʌ ti Australia, miʼ yʌl: «Cheʼ bʌ tsaʼ chʌmi jiñi chaʼtiquil calobil, maʼañix baʼ chililon tsaʼ cubi c bʌ i tsaʼ j qʼuele bajcheʼ mic mejlel c chaʼ taj c tijicñʌyel. Tsaʼ c wen cʼajtibe Dios ti wocol tʼan: ‹A wocolic, c Dios, ¡mach c lʌtʼʌx ili wocol! Comix chʌmel›».

Daniel wen wocol tsiʼ yubi cheʼ bʌ jiñi i yijñam tsiʼ loti yicʼot yambʌ wiñic. Miʼ yʌl: «Cheʼ bʌ jiñi quijñam tiʼ subeyon chaʼan tiʼ lotiyon, lajal bajcheʼ tsiʼ jeqʼueyon jumpʼejl cuchillo tic pusicʼal. Wen cʼux tsaʼ cubi, cheʼ bajcheʼ chaʼyajl uxyajl tsiʼ jeqʼueyoñob, i cabʌl uw tsaʼ cubi c bʌ bajcheʼ jiñi».

¿Woli ba a ñusan wocol tiʼ caj iliyi?

• Tsʌts bʌ icʼ jaʼal o yan tac bʌ

• Tsaʼ chʌmi juntiquil cʼux bʌ maʼ wubin

• Jiñi a wijñam o a ñoxiʼal tsiʼ lotiyet yicʼot yambʌ

• Jumpʼejl tsʌts bʌ cʼamʌjel

• Mach bʌ weñic maʼ ñaʼtan

Mi cheʼʌch woli a wujtel, ili revista mi caj i coltañet a qʼuel chucoch yomʌch bej cuxulet.