Mejl bʌ lac chaʼlen ti estudiar
Cʌyʌ ti a jol jiñi cʼay tac
«Cheʼ bʌ wen chʼijyem mi cubin c bʌ, Jehová miʼ chaʼ pʼʌtʼesañon yicʼot jiñi cʼay tac am bʌ ti JW Broadcasting®» (Lorraine, Estados Unidos).
Jiñi xñoptʼañob tiʼ pejtelel ora an i cʼʌyiyob cʼay tac muʼ bʌ i yʌqʼuen i ñuclel Dios (Col. 3:16). Mi mucʼʌch a cʌy ti a jol mi caj i coltañet, i mach cʼʌñʌlic yaʼan a wicʼot a cʼʌyoñib, a celular o a tableta. ¿Ixcu cheʼ muqʼuic a ñop a mel iliyi?
Aqʼuen i yorajlel chaʼan maʼ pejcan i letrajlel jiñi cʼay tac yicʼot chaʼan maʼ chʼʌmben i sujm. Mi mucʼʌch lac chʼʌmben i sujm, mach wocolic mi laj cʼajtesan. Yaʼ ti jw.org miʼ mejlel a taj i letrajlel pejtelel jiñi laj cʼay, cheʼ bajcheʼ jiñi cʼay tac chaʼan JW Broadcasting yicʼot cʼay tac chaʼan alʌlob. Chaʼan maʼ taj, cucu yaʼ ti «Biblioteca» i cheʼ jiñi «Música».
Tsʼijbun ti jun i letrajlel. Ili mi caj i coltañet a cʌy ti a jol jiñi cʼay tac (Dt. 17:18).
Cʼʌyin ti cʼam bʌ tʼan. Pejcan i letrajlel o cʼʌyin jiñi cʼay chaʼyaj uxyajl.
Qʼuele mi tsaʼʌch cʌyle ti a jol. Ñopo a cʼajtesan i letrajlel cheʼ maʼañic maʼ qʼuel, i ti wiʼil qʼuele mi cheʼʌch bajcheʼ tsaʼ ñaʼta.