Jumpʼejlix jab i cajel jiñi guerra ti Ucrania | ¿Chuqui ti pijtaya miʼ yʌcʼ jiñi Biblia?

Ti viernes 24 de febrero chaʼan 2023, miʼ tsʼʌctiyel jumpʼejl jab bajcheʼ tsaʼ tejchi jiñi guerra ti Ucrania. Miʼ yʌjlel chaʼan an cheʼ bʌ 300 mil soldadojob chʌmeñoʼ bʌ o lojweñoʼ bʌ yaʼ ti Rusia yicʼot Ucrania, i chaʼan an yambʌ 30 mil lac piʼʌlob chʌmeñoʼ bʌ. I tajol muʼto caj i ñumen pʼojlel.

Maʼañic jala mi caj i yujtel yilal jiñi guerra.

«Anquese jumpʼejlix jab cajel cheʼ bʌ Rusia tsaʼ caji ti guerra ti Ucrania, maʼañic tsiquil jala mi caj i yujtel yilal. Cheʼ jaʼel, maʼañic majqui woliʼ mʌl majlel yicʼot mach yomobic cʼotel ti jumpʼejl acuerdo chaʼan miʼ ñʌjchʼel ili wocol» (NPR [radio pública nacional ti Estados Unidos], 19 de febrero 2023).

Jin chaʼan, yonlel lac piʼʌlob cʼux miʼ yubiñob cheʼ bʌ miʼ qʼuelob chaʼan cabʌlob pʼumpʼuntic jax bʌ miʼ ñusañob tiʼ caj ili guerra o yan tac bʌ wocol. ¿Chuqui ti pijtaya miʼ yʌcʼ jiñi Biblia? ¿Muʼ ba caj i cʼotel i yorajlel chaʼan miʼ jilel jiñi guerra tac?

Jumpʼejl guerra muʼ bʌ caj i jisan pejtelel jiñi guerra

Jiñi Biblia miʼ taj ti tʼan jumpʼejl guerra muʼ bʌ caj i coltan lac piʼʌlob. Ili guerra cʌmbil bajcheʼ Armagedón i ti Apocalipsis miʼ tajtʌl ti tʼan bajcheʼ «jiñi guerra chaʼan bʌ jiñi ñuc bʌ i qʼuiñilel Dios, jiñi Mach bʌ añic i pʼisol i pʼʌtʌlel» (Apocalipsis 16:14, 16). Ti Armagedón Dios mi caj i jisan jiñi yumʌlob añoʼ bʌ ti pañimil, come i muloʼbʌch cheʼ miʼ yujtel guerra tac baqui miʼ wen chʌmel lac piʼʌlob. Chaʼan maʼ ñaʼtan bajcheʼ mi caj i chʼʌm tilel ñʌchʼtʌlel jiñi Armagedón, pejcan ili tema tac: